တစ်ချိန်တုန်းက ၃

ကျောင်းအကြောင်းသတိရရင်.. မဖြစ်မနေသတိရမိတာက သူငယ်ချင်းတွေ..။ တစ်နေရာစီ တစ်နိုင်ငံစီ.. ဘယ်လိုပဲဝေးဝေး... ခံယူချက်တွေ ဦးတည်ချက်တွေ ဘယ်လိုပဲ ဆန့်ကျင် ဆန့်ကျင် .. ကျွန်မတို့တူတူ မျှဝေခဲ့ကြတဲ့ ဂျီတီစီနေ့ရက်တွေကတော့.. ဘယ်တော့မှ မမေ့နိုင်မဲ့ အမှတ်တရတွေပါပဲ..။ အဲဒီနေ့ရက်တွေထဲမှာ ကျွန်မတို့ ရယ်မောခဲ့ကြတယ်.. ပျော်ရွှင်ခဲ့ကြတယ်.. ဗရုတ်သုတ်ခတွေလုပ်ခဲ့ကြတယ်.. ပေါက်ကရတွေ ပြောခဲ့ကြတယ်.. ဘာမဟုတ်တာတွေကို ငြင်းခုံခဲ့ကြတယ်.. စိတ်ဆိုးခဲ့ကြတယ်.. ရန်ဖြစ်ခဲ့ကြတယ်.. ငိုခဲ့ကြတယ်.. တစ်ယောက်နဲ့တစ်ယောက် မရယ်ရွယ်ပါပဲ နာကျင်စေခဲ့ကြတယ်..။ ဘယ်လိုတွေပဲဖြစ်ခဲ့ဖြစ်ခဲ့ ကျွန်မတို့ရဲ့ မှတ်ဥာဏ်တွေမှာ အလွယ်တကူမှတ်မိနေခဲ့တာက အတူတူပျော်ရွှင်ခဲ့ကြတဲ့ အချိန်တွေ..။ သူငယ်ချင်းတွေဆုံတိုင်း ပြန်ပြောမိတာက ရယ်မောခဲ့ကြတဲ့ အဖြစ်တွေ..။

ကျွန်မကို ပထမဆုံးကျောင်းအပ်နဲ့နေ့မှာ မေမေနဲ့ဖေဖေက လိုက်ပို့တယ်..။ ကျောင်းရောက်တော့ မေမေတို့ မိတ်ဆွေနဲ့ သူ့သမီးကို တွေ့တယ်..။ တိုက်တိုက်ဆိုင်ဆိုင်ပဲ အဲဒီကောင်မလေးကလဲ ကျွန်မနဲ့ မေဂျာတူနေတယ်..။ လူငယ်ဆိုတော့လဲ စကားတစ်ခွန်း နှစ်ခွန်းလောက်ပြော ပြုံးပြနှုတ်ဆက်နဲ့တင်.. သူနဲ့ကျွန်မ ခင်မင်သွားတယ်..။ နောက် icebreaker လုပ်ချင်တဲ့ ကျွန်မက ဘာမှ စကားဆက်မပြောပဲ ပြုံးနေတဲ့ သူ့ကို ကျောင်းတပတ် ပတ်ကြည့်ရအောင်လို့.. ဆွယ်လိုက်တယ်..။ သူကလဲ နှစ်ခါဆွယ်စရာ မလိုတဲ့ သူမျိုး...။ ဒါနဲ့ ကျွန်မတို့ နှစ်ယောက် အဲဒီ ကျောင်းဆောင် တပတ် ပတ်ကြည့်ကြတယ်.. (သိပ်အဝေးကြီးတော့လဲ မသွားရဲဘူးလေ... မရင်းနှီးတဲ့နေရာဆိုတော့)..။ သတိထားမိတာက.. ကျွန်မတို့ တရပ်ကျော်လောက်ရှိတဲ့ မြက်ပင်ရှည်တွေက ကျောင်းပတ်ပတ်လည် ဝိုင်းနေတယ်..။ ဟိုးခပ်လှမ်းလှမ်းမှာ နှစ်ထပ်ဆောင်ကြီး တစ်ဆောင်... လမ်းဟိုဘက်မှာ တိုက်ဝါဝါပုပုလေးတစ်ခု.. (နောက်တော့မှ အဲဒီတိုက်ပုလေးက ကျွန်မတို့ရဲ့ department ဖြစ်နေမှန်းသိရတယ်..). ဒါပဲ ...။ အဆောက်အဦးဆိုလို ကျွန်မတို့မြင်ရတာ ဒီနှစ်ခုပဲ..။ ကျန်တာက မြက်ပင်ရှည်တွေ...။ အူကြောင်ကြား ကျွန်မတို့ နှစ်ယောက် ဟိုကြည့်ဒီကြည့် ကြည့်နေတုန်း.... အဲဒီမြက်ပင်ရှည်ရှည် ခြုံတွေကြားကနေ... အစ်ကိုကြီးတစ်ယောက်နဲ့ အစ်မကြီးတစ်ယောက် ထွက်လာတယ်..။ ကျွန်မတို့လဲ.. တစ်ယောက်ကိုတစ်ယောက် လက်ကုပ်ရင်း .. မျက်စတွေပစ်ရင်း... ဟယ် ဘာတွေတုန်း... ရှက်စရာတွေလား...အို....။ ဘာညာ စသည်ဖြင့်.. လျှောက်တွေးရင်း... အဲဒီနေရာက မြန်မြန်လစ်လာခဲ့တယ်..။ ကျွန်မရဲ့ ဂျီတီစီနေ့ရက်တွေထဲမှာ သူမက ကျွန်မရဲ့ပထမဆုံးသူငယ်ချင်း ဖြစ်လာတယ်..။ ကျွန်မတို့ တွဲဖြစ်တဲ့ ခုနှစ်ယောက် အဖွဲ့မှာ သူမက အကောင်အသေးဆုံးမို့..ကျွန်မတို့က သူမကို တခါတခါ မှင်စာ လို့ ခေါ်တယ်..။

ကျောင်းစတက်ရတဲ့ နေ့မှာတော့.. ကျွန်မရယ် မှင်စာရယ် ဇာမဏီဆိုတဲ့ သူငယ်ချင်းရယ် (ဇာမဏီက ကွန်ပျူတာက .. ကျွန်မတို့ကျောင်းစဖွင့်ချိန် သူမကျောင်းက မဖွင့်သေးတာကြောင့် သူမက ကျွန်မကျောင်းကို လိုက်လည်ပါတယ်.. ဆတ်ဆတ်ဆော့ဆော့လေ.. ဝါသနာကြီးကြတာကိုးး. :P). မှင်စာ့ဦးလေးကားနဲ့ ကျောင်းကိုရောက်လာတယ်..။ ကျောင်းထဲဝင်တော့ အမြင်ဆန်းနေတယ်လို့ ထင်မိတာ... ဟိုနေ့က ကျွန်မတို့ တွေ့ခဲ့တဲ့.ကျောင်းသားရေးရာ ပတ်ပတ်လည်က မြက်ပင် ရှည်ရှည်တွေ မရှိတော့ပဲ ရှင်းလင်းနေတယ်..။ မြက်ပင်တွေ မရှိတော့မှပဲ... ကျောင်းသားရေးရာ တည်ရာထက် မြေအနိမ့်ပိုင်းမှာ ရှိနေတဲ့... တစ်ထပ်တိုက် အဆောင်တွေ တသီတတန်း ကို တမျှော်တခေါ် လှမ်းတွေ့လိုက်ရတော့တယ်...။ အဲဒီတော့မှ .. ကျောင်းလာအပ်တဲ့နေ့က ခြုံထဲက ထွက်လာတဲ့ နှစ်ယောက်ကို တွေးမိပြီး အားလုံးသဘောပေါက်သွားတယ်...။ အော် ငါတို့လဲ သူတို့လို ခြုံတိုးရတော့တာပါပဲလို့.... (အဲဒီတစ်ထပ်တိုက် စာသင်ဆောင်တွေကြားမှာက မြက်ပင်ရှည်တွေ ရှိနေသေးတုန်းပဲလေ..)။

ပထမဆုံးစာသင်ချိန်က ရိုးကောလ်ခေါ်တာ နာမည်စာရင်းနဲ့ လူနဲ့တိုက်စစ်တာနဲ့တင် ပြီးသွားတယ်..။ ကျွန်မတို့ သုံးယောက်လဲ အသိအကျွမ်းများတွေ့လေမလား ဟိုကြည့် ဒီကြည့်ပေါ့...။ အဲဒီချိန် ကျွန်မတို့စာသင်ခန်းဘေးက ဖြတ်သွားတဲ့.. ရှပ်အင်္ကျီ အနက်ရောင် နေကာမျက်မှန်နဲ့ ကောင်လေး.. (အသက်အရွယ် အရသာ ကောင်လေးလို့ ပြောရတယ်.. သူက လူကောင်ခပ်ကြီးကြီးမို့ ကောင်ကြီး ဆိုရင် ပိုမှန်မလားပဲ.. :P).။ သူ့ကို မြင်မြင်ချင်း ကျွန်မ သိလိုက်တယ်..။ ကျွန်မနဲ့ အထက်တန်းကျောင်းမှာတုန်းက တစ်ခန်းတည်း အတန်းဖော်ကောင်လေး ။ သူ့ကိုက နာမည်သိရုံ မျက်မှန်းတန်းမိရုံလောက်သာသိတာ....။ ဒါပေမဲ့လည်း.. သိတယ်မလား.. လုံးဝမသိတဲ့လူတွေကြားထဲမှာ နည်းနည်းလောက်သိတဲ့သူပါတော့ အားတက်သွားမိတယ်..။ (နေကာမျက်မှန်းကြီး ပြူးတူးပြဲတဲနဲ့ ပဲများလွန်းလိုက်တာ လို့ အဲဒီတုန်းက မျက်မုန်းကျိုးမိတာကိုတော့ ခုထိ ကျွန်မသူ့ကို မပြောဖြစ်ခဲ့ဘူး... :D)။ ဖြစ်ချင်တော့ သူကလဲ ကျွန်မတို့နဲ့ မေဂျာတူတူပဲ..။ အခန်းထဲဝင်လာတော့.. သူက ကျွန်မကို မှတ်မိပြီး.. ပြုံးပြနှုတ်ဆက်တယ်။ ဆိုးတာတစ်ခုက... “ ဟာ.. ငါနင့်ကို သိတယ်... နင့်နာမည်က ဘယ်သူ..... ” ဆိုပြီး..ရပ်သွားတယ်...။ ကျွန်မလဲ နည်းနည်းတော့ အောင့်သက်သက် ဖြစ်သွားပေမဲ့... စိတ်ရှည်သည်းခံတဲ့ မလိခဆိုတော့ ကြည်ကြည်သာသာပဲ ကျွန်မနာမည်ပြောလိုက်တော့ သူမှတ်မိသွားပါတယ်..။ ဒါပေမဲ့ ပထမဆုံးကျောင်းတက်ရတဲ့ အဲဒီရက်မှာ သူက ပဲများစွာနဲ့ ခပ်လှမ်းလှမ်းက ယောင်္ကျားလေးတစ်အုပ်နဲ့ သွားရောထိုင်နေတယ်..။ နောက်ပိုင်း ခင်သွားကြတော့ သူ့ကို ကျွန်မတို့က အာတာလွတ်မြို့စားကြီး လို့ ကင်ပွန်းတပ်ထားပေးတယ်..။ သူကလဲ တကယ်ပဲ တူရှာတယ်...။ :P..။ သူက ကျွန်မရဲ့ ဒုတိယမြောက် သူငယ်ချင်းပေါ့..။

နောက်နေ့တွေမှာတော့ ဇာမဏီလဲ ဝေးလံလှတဲ့ ကျွန်မတို့ကျောင်းကို အပင်ပန်းခံမလိုက်တော့ဘူး...။ ကျွန်မနဲ့ မှင်စာနဲ့ပဲ.. တတွဲတွဲ အတန်းတွေလိုက်တက်ရတာပေါ့..။ အာတာလွတ်မြို့စားကတော့ အဲဒီတုန်းက သိပ်လဲ မခင်သေးတော့ သူကျောင်းလာတက်သလား မတက်သလားဆိုတာကိုတောင် ကျွန်မတို့ သတိမထားမိခဲ့ကြဘူး...။ ကျောင်းစစတက်ချင်း ဆိုတော့ ကျွန်မနဲ့မှင်စာက လိမ္မာရေးခြားရှိစွာ.. ရှေ့ဆုံးတန်းတွေမှာ ထိုင်တယ်.။ ဆရာမက စာမေးလို့ရတဲ့ဟာဆို တက်တက်ကြွကြွ ဖြေတယ်.။ ကျောင်းတက်ပြီး သုံးလေးရက်လောက်မှာပေါ့...။ နေ့လည်ထမင်းစားပြီးလို့.. ကျွန်မတို့နှစ်ယောက် ရှေ့ဆုံးတန်းကနေထိုင်ပြီး တစ်တန်းလုံးကို ကြည့်ရင်း ထုံးစံအတိုင်း အရည်မရ အဖတ်မရ ပွားနေကြတုန်း.. အသားညိုညိုနဲ့ ကောင်မလေးတစ်ယောက် ကျွန်မတို့နားရောက်လာတယ်..။ ကဒ်လေး တစ်ကတ်ကိုလဲ ကျွန်မတို့ဘက်ကို ထိုးပေးရင်း သူ့နာမည်ကို မိတ်ဆက်တယ်..။ ကျွန်မတို့နှစ်ယောက်လဲ ပါးစပ်လေးတွေ အဟောင်းသားနဲ့ အံ့သြလို့ပေါ့...။ ၁၆ နှစ် ၁၇ နှစ် ဒီအရွယ်နဲ့ သူက visiting card ပေးပြီး မိတ်ဆက်တာကိုး.. မအံ့သြ ဘယ်သူခံနိုင်မှာလဲလို့... နော့..။ သူက ကျွန်မရဲ့ တတိယမြောက်သူငယ်ချင်း ဖြစ်လာခဲ့တဲ့ နောက်ပိုင်းမှာတော့ ကျွန်မတို့က သူ့ကို မျိုးကြီး.. လို့ခေါ်တယ်..။ အဲဒီနေ့ကတော့ သူအဲသလို လာမိတ်ဆက်တော့မှ သတိထားမိတယ်... သူနဲ့ ကျွန်မက ကိုးတန်းထိ တစ်ကျောင်းတည်း ။ အခန်းတော့ မတူဘူးဆိုတော့ အရင်နေ့တွေက သတိမထားမိလိုက်တာ ..။ တိုက်ဆိုင်ချင်တော့ မျိုးကြီးက ကျွန်မတို့ကျောင်းမှာ ကိုးတန်းထိနေပြီး ဆယ်တန်းမှာတော့ မှင်စာတို့ကျောင်းကို ပြောင်းသွားခဲ့တယ်တဲ့...။ ပြီးတော့ မှင်စာနဲ့ ဆယ်တန်းမှာ တခန်းတည်းပါတဲ့..။ ကဲ ဘယ်လောက်တောင် တိုက်ဆိုင်လိုက်သလဲလို့..။ အဲဒီလိုနဲ့ သူက ကျွန်မရော မှင်စာရောနဲ့ သိတဲ့.. ကျွန်မရဲ့ တတိယမြောင်သူငယ်ချင်းဖြစ်လာတယ်...။

နောက်တစ်နေ့... ပထမဆုံးအချိန် ရိုးကောလ်ခေါ်နေတုန်း... ဘယ်လိုမှ မထင်မှတ်ထားတာ တစ်ခုဖြစ်သွားတယ်..။ ကောင်လေးတစ်ယောက်နာမည်ကို ခေါ်လိုက်တဲ့အချိန်မှာပဲ... ကျွန်မတို့ ထိုင်ခုံတန်းရဲ့ ဘေးဘက် လျှောက်လမ်းခြားထားတဲ့ ဟိုဘက်ခုံတန်းမှာ တစ်ယောက်တည်းထိုင်နေတဲ့.. ကောင်လေးက သူ့ခြေထောက်နားက အိပ်နေတဲ့ ခွေးကို မတော်တဆတက်နင်းမိတယ်... (ကျွန်မတို့ကျောင်းမှာက ခွေးတွေရော နွားတွေရော စာသင်ခန်းထဲကို ဝင်ဝင်လာတတ်လို့ မောင်းမောင်းထုတ်ရတတ်တယ်..).။ အဲဒီတော့... ဆရာမက “xxx” ဆိုပြီး ကောင်လေးနာမည်ကိုခေါ်လိုက်တဲ့အချိန်... ဟိုတက်နင်းခံရတဲ့ ခွေးက အလန့်တကြား “ကိန်” လို့အော်တဲ့ အချိန်.. အားလုံးကကွက်တိ တိုင်ပင်ကိုက်ထားသလို ဖြစ်သွားတယ်..။ ဆရာမနာမည်ခေါ်တာကိုပဲ ကိန် လို့ပြန်ထူးသလိုလို ဘာလိုလိုပေါ့...။ ဖြစ်ချင်တော့ အဲဒီခွေးကို တက်နင်းတဲ့ ကောင်လေးက ဆရာမခေါ်လိုက်တဲ့နာမည်ပိုင်ရှင်ဖြစ်နေတယ်..။ နောက် တိုက်ဆိုင်လွန်းပြန်တာက... သူက မျိုးကြီးရဲ့ သူငယ်ချင်းဖြစ်နေတယ်..။ ဒီလိုနဲ့ပဲ အဲဒီကောင်လေးက ကျွန်မရဲ့ စတုတ္ထမြောက် သူငယ်ချင်းဖြစ်လာတယ်..။ ခုထက်ထိတောင် သူငယ်ချင်းတွေ စုံလို့ ကျောင်းအကြောင်း သတိတရ ပြောဖြစ်ရင်.. သူ့နာမည်နဲ့တွဲပြီး နောက်မှ ကိန် ဆိုတာလေး ထည့်ခေါ်ရတာက မဟောင်းနိုင်တဲ့ ဟာသတစ်ခု။ . ခုတွေးရင် ခုရယ်ချင်တယ်... “xxx ကိန်” တဲ့..။ :P..။ ဒါပေမဲ့ သူ့ကိုတော့ ကျွန်မတို့က “ကလေးသားလေး” လို့ခေါ်တယ်...။ သိတယ်မလား.. မွန်ပြည်နယ်ဖက်မှာ.. ဇွန်းသေးသေးလေးဆို ဇွန်းသားလေး..။ ဖျာသေးသေးလေးဆို ဖျာသားလေးလို့ ခေါ်တာလေ..။ အဲဒီလိုပဲ သူ့ရုပ်က ကလေးရုပ်မို့ မွန်ဆရာမတစ်ယောက်က အမှတ်တမဲ့ခေါ်လိုက်ရာကနေ ကျွန်မတို့ပါ စခေါ်ဖြစ်သွားတာ...။ အဲဒီတုန်းက “xxxကိန်” လို့တော့ မခေါ်ဖြစ်ခဲ့ဘူး... ခေါ်ဖြစ်ရင် သူက ကျွန်မတို့ တဖွဲ့လုံးကို စိတ်ကောက်သွားနိုင်တယ်... သူက စိတ်ဆိုးစိတ်ကောက်လွယ်တယ်လေ။ အဲဒီတုန်းကပြောပါတယ်.. :P...။

ကျွန်မရဲ့ ပဉ္စမမြောက် သူငယ်ချင်းကိုတော့ တတိယမြောက်သူငယ်ချင်း အာတာလွတ်မြို့စားကြီးက ခေါ်လာ မိတ်ဆက်ပေးခဲ့တယ်..။ သူ့ကိုတော့ မြင်မြင်ချင်း စာအုပ်ဖွင့်ထားတဲ့ ပုံနဲ့ စာပေဗိမာန် အမှတ်တံဆိပ်ကို ပြေးမြင်မိတာကြောင့် ကျွန်မတို့က နာမည်ပြောင် “စာပေဗိမာန်” လို့ ခေါ်လေရဲ့... ။ တကယ်က သူက အဲဒီတုန်းက ခေတ်စားတဲ့ အလယ်ခွဲဆံပင်ထားထားတာ...။ သူက ကျွန်မတို့ သန်လျင်ကျောင်းမှာ သူလိုချင်တဲ့ မေဂျာမရလို့ မှော်ဘီဂျီတီစီမှာ တစ်ပတ်လောက် EC လား MC လားမသိဘူး သွားတက်လိုက်သေးတယ်တဲ့...။ သူက တခါတခါနောက်တတ်တယ်.. “ငါ့ဘာသာငါ မှော်ဘီမှာပဲ တက်နေလိုက်ရင်ကောင်းသားဟာ.. သန်လျင်ကို ပြောင်းလာမိတာ ငါမှားတာ” ဆိုပြီး.. ကျွန်မတို့နဲ့ အပေါင်းအသင်းဖြစ်ရတာ မှားလေခြင်းဆိုပြီး နောက်တတ်တယ်..။ အဲဒီခါမျိုးကျရင်.. ကျွန်မတို့က ကက်ကက်လန်အောင် စွာတော့တာပဲ.. ။ “နင့်ဘဝကြီး ဒီလောက် ပျော်စရာကောင်းနေတာ ငါတို့လို သူငယ်ချင်းမျိုးတွေနဲ့ ဆုံဆည်းခွင့်ရလို့လို့ မှတ်” ဘာညာပေါ့...။ ဘဝနဲ့ကို ချီပြီး ပြောပြလိုက်တယ်...။ (ပိုပြောစရာရှိတာက ခုဆို သူက မှင်စာရဲ့ အိမ်ဦးနတ်ဖြစ်နေပြီလေ..)။ ပြီးတော့ ဒင်းက “နင့်ခြေထောက်မှာ စပရိန်တပ်ထားသလား” လို့ ကျွန်မတို့နောက်ရလောက်အောင် မြှောက်ကြွ မြှောက်ကြွလဲ လျှောက်တတ်သေးတယ်..။

ကျွန်မတို့ ကျောင်းတွေဖွင့်ပြီး တစ်လလောက်မှာ မေဂျာပေါင်းစုံ ဘောလုံးပွဲလုပ်ကြတယ်...။ ကျွန်မတို့မေဂျာက မိန်းကလေးများတဲ့ မေဂျာဆိုတော့.. ကျွန်မတို့ သူငယ်ချင်းယောင်္ကျားလေး သုံးယောက်ကလဲ တတပ်တအား ပါဝင်ရတော့တာပေါ့..။ အာတာလွတ်မြို့စားနဲ့ စာပေဗိမာန်က ဘောလုံးဝင်ကန်တယ်..။ ကလေးသားလေးက ဝင်မကန်တော့ သူက တောက်တိုမယ်ရပေါ့...။ တကယ်က သူတင်မဟုတ်ပါဘူး.. သူတို့ကို အပေါင်းအသင်းလုပ်မိတဲ့ ကျွန်မတို့မိန်းကလေးသုံးယောက်ပါ တောက်တိုမယ်ရ ဖြစ်ကုန်တယ်...။ ကျွန်မတို့မေဂျာ ဘောလုံးပွဲရှိတဲ့ နေ့များဆို သူတို့ လွယ်အိတ်တွေ ကျောပိုးအိတ်တွေကို တနေရာက တနေရာ ပြောင်းရတိုင်း ကျွန်မတို့မှာ သယ်ပေးရတာ ကူလီလုံးလုံးကို ဖြစ်လို့...။သူတို့ကတော့ အားကစားသမားတွေမို့ ဆိုပြီး အခွင့်ထူးခံဖြစ်သွားတယ်လေ..။ အော် .. ပြောရဦးမယ်.. အဲဒီအချိန်မှာ တခြားလူတွေက ဆရာမတွေကို လက်သွက်သွက်နဲ့ ညှိုနှိုင်းပြီး ကျူရှင်တွေ ဝိုင်းနေကြပြီ...။ ကျွန်မတို့ခြောက်ယောက်မှာတော့.. နေရာအဆင်မပြေတာရယ်... ဆရာမတွေနဲ့ သိပ်ရောရောနှောနှောမရှိတာရယ်ကြောင့် ... ကျူရှင်လက်မဲ့ဖြစ်နေချိန်ပေါ့...။ တနေ့ ကျွန်မတို့ မေဂျာနဲ့ တခြားမေဂျာ ဘောလုံးပွဲရှိတဲ့နေ့ပေါ့....။ ဆရာမတွေကလဲ အဲ့နေ့ကို စောဆင်းပေးတော့ ညနေဘက် အတန်းချိန်တွေမရှိဘူး..။ ကစားသမားတွေကလဲ ကစားမယ့်အချိန်ကို စောင့်နေကြတယ်..။ အဲ့ဒီချိန်မှာ.. လွန်ခဲ့တဲ့ တစ်လလုံးလုံး တခါမှ မမြင်ဘူးခဲ့တဲ့... တရုတ်မချောချောလေးတစ်ယောက် ကျွန်မတို့ မိန်းကလေးသုံးယောက်ထိုင်တဲ့နားကို ရောက်လာတယ်..။ သူမက အဝါရောင် မှာ အနက်ရောင် polka dot တွေပါတဲ့ ဝမ်းဆက်နဲ့ နှုတ်ခမ်းနီကိုလဲ နီရဲနေအောင်ဆိုးထားတယ်..။ မျက်နှာထားကတော့ ခပ်တည်တည်...(စူပုပ်ပုပ်လေးလို့ ပြောရင် ပိုမှန်မယ်ထင်တယ်)..။ “နင်တို့ ကျူရှင် မဝိုင်းရသေးဘူးဆို.. ငါနဲ့ ဝိုင်းမလား.. ငါ့အိမ်မှာ ဝိုင်းလို့ရတယ်”... တဲ့..။ ကျွန်မတို့မှာ ရေငတ်တုန်း ရေတွင်းထဲကျပေါ့...။ ဝမ်းသာအားရနဲ့ ခေါင်းညိတ်လိုက်ကြတယ်...။ အဲဒီနှုတ်ခမ်းနီရဲရဲ နဲ့ ကောင်မလေးက ကျွန်မတို့ ကျူရှင်ဝိုင်းရှင် ဖြစ်လာသလို... ကျွန်မတို့မေဂျာရဲ့ တရားမဝင် ကွင်း လဲဖြစ်လာတယ်. (တရားမဝင်ဆိုတာက တရားဝင် fresher welcome လုပ်ပြီး မရွေးလိုက်ရလို့ပါ..။ ကျွန်မတို့နှစ်မှာ fresher welcome လုပ်ခွင့်ပိတ်ခံရတယ်လေ... :{...)....။ အဲဒါအပြင်... ကျွန်မတို့ အဖွဲ့ရဲ့ နောက်ဆုံးအဖွဲ့ဝင် ကျွန်မရဲ့ ဆဌမမြောက်သူငယ်ချင်းလဲ ဖြစ်လာခဲ့တယ်...။

ကဲ... ခွန်နှစ်ယောက်အဖွဲ့ ဖြစ်လာပုံတွေလဲ စုံသွားပြီ...။ ပေါက်ကရတွေဖြစ်... ရယ်ကြ မောကြရတာတွေကိုတော့.. ... ဆက်ရန် ပေါ့
တစ်ချိန်တုန်းက... , တစ်ချိန်တုန်းက ၂

ပျော်ရွှင်ပါစေ
ခင်တဲ့
မလိခ

ဒီတစ်ခေါက်...

မနှစ်က နှစ်ကုန်ပိုင်းလောက်မှာပဲ... ဒီနိုင်ငံမှာ မလိခမင်္ဂလာဆောင်လိုက်ပါတယ်..။ မိဘဆွေမျိုးတွေရဲ့ တောင်းဆိုမှုကြောင့် ဒီနှစ် နှစ်ဆန်းပိုင်းလောက်မှာ ရန်ကုန်မှာပြန်ပြီး မင်္ဂလာဧည့်ခံပွဲလေး လုပ်ဖြစ်တယ်..။ တော်တော်တော့ ပင်ပန်းသွားတယ်..။ ရန်ကုန်က လူကြီးတွေစိတ်တိုင်းကျ မင်္ဂလာပွဲ မလုပ်မဖြစ်လုပ်ရမယ် ဆိုတော့ သူနဲ့ ကျွန်မ နဂိုတည်းက စဉ်းစားထားတဲ့ အလှူလေးတွေအတွက်ပါ ဘတ်ဂျတ်ကတွက်ရတော့တာပေါ့...။ မြန်မာနိုင်ငံပြန်ရင် ခရီးကလဲ မထွက်ပဲမနေနိုင်တာနဲ့... ကြိုတင်စီစဉ်ထားပါရက်နဲ့ ကတိုက်ကရိုက်ဖြစ်ခဲ့ရတယ်...။ လုပ်ချင်တာတွေက များများ ရတဲ့အချိန်က နည်းနည်းဖြစ်နေတာကြောင့်ပေါ့..။

မင်္ဂလာပွဲကတော့ ထားပါတော့...။ ဘုန်းကြီးကျောင်းမှာ ဆွမ်းကျွေးပြီး မိဘဆွေမျိုးတွေ တွေ့ဆုံ စားသောက်ကြတာလေးပါပဲ..။ ဟိုမင်းသားမင်းသမီးလိုတော့ကြီး မဟုတ်ပါဘူး...။ ပြောရဦးမယ် ဖြစ်ချင်တော့ ကျွန်မ မင်္ဂလာပွဲလုပ်တဲ့ရက်က သူတို့ရဲ့ ခြောက်ပွဲလား ခုနစ်ပွဲလားမသိတဲ့ ပွဲတွေထဲက တစ်ရက်နဲ့ သွားတိုက်နေပါသေးတယ်..။ တိုက်တော့ ဘာဖြစ်တုန်းဆိုတော့.... ဘာမှမဖြစ်ပါဘူး...။ ကိုယ့် အန်တီပါစီနေ့ မေ့သွားရင် သူတို့ကိုသွားမေးလို့ရတာပေါ့.. အဲလိုတော့ကြံထားတယ်...။ :D

နောက် မင်္ဂလာပွဲဆိုတော့ သိတဲ့အတိုင်း ဟိုစစ ဒီစစလက်ဖွဲ့ကြတာတွေရှိတာပေါ့..။ အဲဒါတွေကျ ဒီလဲ မသယ်လာနိုင်... ။ နောက် ကျွန်မကြားဖူးတာရှိတယ်.. တချို့တွေက လက်ဖွဲ့တွေကို ဆိုင်ကိုပြန်သွင်းကြတယ်တဲ့..။ ကျွန်မလဲ ကိုယ်တိုင်ဆောင်မှပဲ အသစ်အဆန်းတွေကြားရတော့တယ်..။ အဲလိုကြီး သွားပြန်ရောင်းဖို့ကြတော့လဲ.. လက်ဖွဲ့တဲ့လူတွေကို ကျွန်မက မှန်းအားနာမိတယ်..။ အဲလိုနဲ့ နောက်ဆုံးကျတော့ ကျွန်မနဲ့သူ နဂိုစီစဉ်ထားတဲ့ နေရာလေးတွေမှာ လှူမဲ့ ငွေသားပမာဏအပြင် ရလာတဲ့ လက်ဖွဲ့လေးတွေပါ ရောလှူပစ်လိုက်တယ်..။ ကျန်တာ သူတို့ဘာသာ အဆင်သင့်သလို စီမံပါလေ့စေ.. ကျွန်မစိတ်က လှူလိုက်တဲ့နေရာတင် အဲ့ပစ္စည်းတွေနဲ့ ပြတ်ပြီ...။ ကဲ ဒီတော့ ကျွန်မလဲ အားနာစရာမလိုတော့ဘူးပေါ့ ဟုတ်ဘူးလား...။ ပြီးတော့ လက်ဖွဲ့တဲ့လူလဲ ကုသိုလ်ရတာပေါ့..။

ကျွန်မတို့လှူဖြစ်တာက.. ပထမ ကျွန်မသူငယ်ချင်းတစ်ယောက် ဦးဆောင်ပြီး ဖွဲ့ထားတဲ့ အဖွဲ့လေးက လုပ်တဲ့ အလှူလေးမှာ..။ သူငယ်ချင်းတို့အဖွဲ့က သန်လျင်ဘက်က သီလရှင်တွေဦးစီးတဲ့ စာသင်ကျောင်းတခုမှာ သီလရှင်ဆရာလေးတွေနဲ့ ကလေးတွေကို တစ်နပ်စာ ဆွမ်း ထမင်းကျွေးပြီး ကလေးတွေလိုတဲ့ စာရေးကိရိယာလေးတွေ လှူတယ်..။ နောက် အဲဒီကျောင်းလေးမှာ ကျောင်းဆောင်သစ် ဆောက်လုပ်ဖို့ အလှူငွေလဲ ထည့်ခဲ့တယ်..။ ကျွန်မကအဲဒီနေ့က သူတို့အဖွဲ့နဲ့ မလိုက်သွားဖြစ်လိုက်ဘူး..။ မင်္ဂလာပွဲမတိုင်ခင်ဆိုတော့ အလုပ်တွေက ဘာမှန်းမသိပဲရှုပ်နေတာနဲ့..။ နောက်သူတို့ဓာတ်ပုံတွေပြမှ မလိုက်မိတာ နောင်တရမိတယ်..။

မင်္ဂလာပွဲပြီးနောက်တစ်နေ့ကျတော့.. ပစ္စည်းတွေနဲ့ ကျွန်မတို့.. ရွာသာကြီးက စိတ်ရောဂါကုဆေးရုံကို ရောက်ခဲ့ကြတယ်...။ စီးပွားရေးတက္ကသိုလ်အလွန်မှာကတည်းက လမ်းက ဆိုးသွားလိုက်တာ.. ချိုင့်တခုတခုက ကားဘီးတစ်ဝက်သာသာလောက်တောင်နက်မလားပဲ... ပြီးတော့ ခဲလုံးကြီးတွေကလဲ နည်းတာမှမဟုတ်ပဲ..။ လမ်းပြင်ဖို့ထင်ပါရဲ့.. လမ်းဘေးနားမှာ ပုံထားတဲ့ ကျောက်ပုံတွေကတော့ အပေါ်မှာ အပင်တွေဘာတွေ ပေါက်လို့.. အဲ့အပင်တွေတောင် တော်တော်ကြီးနေပြီ...။ အော်.. ဒီထက်ကြီးလာတော့လဲ အရိပ်ရတာပေါ့လို့တော့ တွေးမိပါတယ်.. နေကလဲ ပူသေးတာကိုး...။ ကျွန်မတို့ ပစ္စည်းတွေရယ် ငွေသားတချို့ရယ် လှူပြီးတော့ သူနာပြုဆရာမကြီးတစ်ယောက်က ကျွန်မတို့ကို ဆေးရုံတွင်းကို လိုက်ပြတယ်..။ ဆေးရုံရဲ့ အဓိကနှစ်ထပ်အဆောက်အဦးနောက်ကို ရောက်တာနဲ့ တထပ်ဆောင်ပုလေးတွေ ဟိုတလုံးဒီတလုံး ကွင်းပြင်ကြီးထဲ ဖြန့်ထားတယ်...။ အားလုံးကို အမိုးပါတဲ့ ကွန်ကရစ်လမ်းတွေနဲ့ ဆက်ထားတယ်..။ အဲဒီလမ်းလေး တဖက်တချက်တွေမှာက ချုံတွေနဲ့ အပင်ပုလေးတွေ... အရင်က လယ်ကွင်းဟောင်းတွေဖြစ်ခဲ့ဟန်တူပါတယ်..။ တစ်ဆောင်နဲ့တစ်ဆောင်ကလဲ တော်တော်လှမ်းတယ်..။ လမ်းလျှောက်ရင်းစကားပြောရင်းသိရတာက.. အဲဒီသူနာပြုဆရာမကြီးက ဒီမှာလုပ်လာတာ အနှစ်၂၀လောက်ရှိပြီတဲ့... သူမရဲ့ ပထမဆုံးပိုစတင်ကျကတည်းက လုပ်လာတာ ခုထိဆိုပဲ...။ ကျွန်မတော်တော်လေးစားမိသွားတယ်..။ တခြားဆေးရုံတွေမှာတော့ မပြောတတ်ဘူး..။ ဒီလိုဆေးရုံမှာအလုပ်လုပ်ဖို့ဆိုရင်တော့ တော်တော်စိတ်ရှည်သည်းခံရမယ်လို့ ထင်မိတယ်..။

ကျွန်မတို့ကို လိုက်ပြတာက အမျိုးသမီးဆောင်ကို..။ နည်းနည်းရောဂါသက်သာတဲ့ လူနာတွေထားတဲ့အဆောင် လို့ပြောတယ်။ အဆောက်အဦးက စတုဂံကျကျအကွက်ချဆောက်ထားတဲ့ တထပ်ဆောင်လေး..။ ဝင်ပေါက်ကတခုတည်းရှိတယ်... ။ အလယ်မှာက မြေကွက်လပ်ကြီး..။ အပင်တချို့စိုက်ထားတယ်.. ။ နည်းနည်းနေကောင်းတဲ့လူနာတွေက အဲဒီအပင်တချို့စိုက်ပျိုးရေးမှာပါဝင်လုပ်အားပေးကြတယ်တဲ့..။ သူတို့ရောဂါသက်သာစေဖို့ ကိုယ်လက်လှုပ်ရှားဆောင်ရွက်မှုတစ်ခုလို့ ရှင်းပြတယ်..။ နောက် စဥ့်အိုးကြီး သုံးလုံးလောက်လဲ ချထားတယ်..။ တချို့တွေက မျက်နှာသစ်သွားတိုက်နေကြတယ်.. တချို့တွေကတော့ အဝတ်လျှော်နေကြတယ်..။ ကျွန်မတို့ကို မြင်တော့ တချို့တွေက ပြုံးပြကြတယ်..။

အဆောင်ရဲ့ပတ်ပတ်လည်မှာတော့ သံဇကာကွက်ကြီးတွေနဲ့ ကာထားတယ်.. ။ နောက် ကုတင်ဆယ်လုံးလောက် ပါတဲ့ အခန်းရှည်တွေ ... စတုဂံပုံ ပတ်လမ်းဘေးတစ်လျှောက် တန်းစီထားတယ်..။ တချို့အခန်းတွေကျတော့လဲ သံဘာဂျာတံခါးတွေ ဖွင့်ထားတယ်.. ။ တချို့အခန်းတွေ ကျတော့လဲ သံတံခါးတွေကို ပိတ်ထားတယ်...။ ရောဂါမသက်သာသေးလို့လို့ဆိုပါတယ်..။ အဲဒီပိတ်ထားတဲ့ တခန်းမှာ အမျိုးသမီးလေးယောက်လောက်က တံခါးပေါက်နားမှာ ရပ်နေကြတယ်..။ ကျွန်မတို့ကိုမြင်တော့... တစ်ယောက်က “ဧည့်သည်တွေပဲ.. ဒီနေ့ဘာကျွေးမှာလဲ ”လို့ လှမ်းမေးတယ်...။ ကျွန်မတို့လဲ ကြောင်အမ်းသွားတယ်..။ နောက်တစ်ယောက်က “ကြာဇံဟင်းခါးကျွေးနော်” လို့ လှမ်းအော်တယ်..။ သနားစရာကောင်းလိုက်တာ..။ ဘာပြန်ပြောလို့ ပြောရမှန်းကို မသိခဲ့ဘူး...။

နောက် တခန်းကျတော့ တံခါးဖွင့်ထားတယ်.. အဲဒီအခန်းကလူတွေကျတော့ ရောဂါသက်သာနေပြီ ဒါပေမဲ့ သူတို့အိမ်တွေက လာမခေါ်တော့ပဲ ဆေးရုံမှာပဲ ပစ်ထားလိုက်ကြတယ်တဲ့...။ စိတ်မကောင်းလိုက်တာ..။ သူတို့ကြည့်ရတာတော့ အေးဆေးပဲ.. တချို့လဲ စာဖတ်နေတယ်..။ အဖွားတစ်ယောက်ကတော့ သနပ်ခါးအဖွေးသားနဲ့ ကုတင်ပေါ်မှာထိုင်ပြီး ပြတင်းပေါက်အပြင်ဘက်ကို ငေးနေတယ်...။ သားတွေသမီးတွေကို လွမ်းရှာတယ်ထင်တယ်..။

တပတ်ပတ်ပြီးလို့ ပြန်ထွက်မယ့်အချိန်ကျတော့.. ဆရာမကြီးက အဆောင်တာဝန်ကျ သူနာပြုဆရာမလေးနဲ့ မိတ်ဆက်ပေးနေတုန်း... “အမေ့” ဆိုတဲ့ အော်သံနဲ့ ကျွန်မမောင်လေး... လှစ်ကနဲနေအောင် ပြေးထွက်သွားတယ်..။ နောက်မှ ဘာဖြစ်တာလဲဆိုတော့... ထွက်ခါနီး လူနာအမျိုးသမီးတစ်ယောက်က သူ့ခါးကို လှမ်းကိုင်လိုက်လို့ပါတဲ့..။ အဲဒါနဲ့ လန့်ပြီးထွက်ပြေးတာတဲ့..။ ကျွန်မတို့မှာ သူ့ရုပ်ကိုကြည့်ပြီးရယ်လိုက်ရတာ..။ ဆရာမကြီးကတော့ ရှင်းပြတယ်..။ ဆေးရုံရောက်လာတဲ့ တချို့လူနာတွေထဲမှာ ဆန့်ကျင်ဘက်လိင်နဲ့ ပတ်သက်ပြီး ပိုစိတ်ဝင်စားတဲ့လူတွေရှိတယ်တဲ့...။ တခါတလေ အမျိုးသားတွေရဲ့ တင်ပါးကိုလိုက်ကိုင်တဲ့ကိစ္စမျိုးတွေလဲ ရှိတတ်သတဲ့..။ အခုကတော့ attention လိုချင်လို့ လာတို့တာနေမှာပါလို့ပြောတယ်..။ မောင်လေးကတော့ ကြက်သီးထသွားသလို တွန့်ပြတယ်..။ သူကနဂိုကတည်းက ကြောက်တတ်တဲ့သူဆိုတော့ ကျွန်မတို့မှာ သူ့ကြည့်ပြီးရယ်နေရတယ်..။

အဲဒီကအပြန်ကျတော့.. ကျွန်မတို့တွေ မင်္ဂလာဒုံက ကူးစက်ဆေးရုံကို သွားကြတယ်..။ လူနာတွေ တအားများပြီး ရှုပ်နေတာကြောင့် ဆရာမတွေလဲ လက်မလည်ဘူးဖြစ်နေတယ်..။ သူနာပြုဆရာမကြီးတစ်ယောက်ကတော့ ကျွန်မတို့(အလှူရှင်) ကိုဘယ်မှလိုက်မပြနိုင်လို့ဆိုပြီး အားနာနေတယ်..။ သူ့မှာလဲ လူနာတွေကတဖက် ဖုန်းကလဲပြေးကိုင်ရသေးတယ်..။ ဆေးရုံလေးနဲ့ လူနာအရေအတွက်က မမျှဘူးဖြစ်နေတယ်..။ ဝန်ထမ်းလဲ လောက်ပုံမရဘူး..။ ဆရာမကြီးပြောတာတော့.. မင်္ဂလာဒုံကဒီကူးစက်ဆေးရုံကိုက လူသိပ်မသိကြတော့ အလှူရှင်တွေ လာလှူတာလဲ နည်းတယ်တဲ့...။ လာတဲ့လူနာက များပြီး ပေးစရာနေရာက နည်းနေတော့ တချို့လူနာတွေကို လူသွားစင်္ကြံမှာ ကုတင်ခင်းပြီး ထားထားရတယ်တဲ့..။ လူသွားစင်္ကြံမှာ ကုတင်နှစ်လုံးလောက်လဲ မြင်ခဲ့ရတယ်..။ တော်သေးတာပေါ့ ကုတင်လေးရှိသေးလို့လို့ တွေးမိတယ်..။ မဟုတ်ဆို သံမံတလင်းပေါ်မှာ...။ နောက် တချို့အခန်းတွေထဲကနေ လှမ်းကြည့်နေကြတဲ့ မျက်လုံးတွေ.. ဘာအရောင်အရိပ်တွေလဲ ကျွန်မမခွဲခြားတတ်ဘူး..။ သေချာတာကတော့ အင်အားမဲ့နေကြတယ်..။ ဆရာမကြီးလဲ မအားတာနဲ့ အားနာပြီး ကျွန်မသိချင်တာလေးတွေ မမေးခဲ့ရဘူး... ဥပမာ.. ဘယ်လိုကူးစက်ရောဂါနဲ့ လာတဲ့လူ အများဆုံးလဲ ဆိုတာမျိုးပေါ့...။ အေအိုင်ဒီအက်စ်လို့ဖြေခဲ့လိုက်မှာကိုလဲ ဘာရယ်မဟုတ် တွေးကြောက်မိတယ်...။ ကာကွယ်ခြင်းက ကုသခြင်းထက် ပိုထိရောက်တယ်တဲ့..။ ဆေးရုံတွေမှာ တွေ့ရတတ်တယ်..။ကာကွယ်ဖို့ အသိမပြောနဲ့ ရောဂါရလာရင် ကုသဖို့ ဆေးရုံရောက်လာတဲ့သူကရော ဘယ်နှရာခိုင်နှုန်းရှိမှာလဲ...။

အဲဒီနေ့က တွေးစရာတွေ အများကြီးနဲ့ အိမ်ပြန်ခဲ့ရတယ်...။

နောက် ပြောရဦးမယ်... ဖြစ်ပုံ..။ ကျွန်မနဲ့အတူနေတဲ့ သူငယ်ချင်းစုံတွဲကလဲ ရန်ကုန်မှာမင်္ဂလာပွဲပြန်လုပ်တယ်.. ။ ကျွန်မတို့ထက် ၂ပတ်ကျော်လောက်နောက်ကျတာကြောင့် ရန်ကုန်မှာ အသွားအပြန်လွဲပြီး မတွေ့ဖြစ်လိုက်ဘူး...။ သူတို့ဒီကို ပြန်ရောက်လာတော့... နင်ဘယ်လိုလဲ ငါဘယ်လိုလဲ.. ဘယ်တွေသွားလို့ ဘာတွေစား ဘာညာစပ်စုကြရင်း.. သူငယ်ချင်းမက မေးတယ်... ပြုံးစိစိနဲ့..“ ဟဲ့ နင်စစ်ဆေးရုံမှာ သွားလှူခဲ့သေးတယ်ဆို.. အန်တီပြောတယ်”တဲ့..။ “ဟေ!” ကျွန်မ မျက်လုံးပြူးသွားတယ်..။ “ငါက ဘာကိစ္စ စစ်ဆေးရုံသွားလှူရမှာလဲ..” ဆိုတော့...“သိဘူးလေ အန်တီပြောတာ” ဆိုပြီး ရယ်နေလေရဲ့...။ ကျွန်မလဲ ခေါင်းစားသွားတယ် မေမေက ဘာတွေမှားပြောလိုက်သလဲပေါ့...။ နောက်မှ သဘောပေါက်တယ်.. မေမေက ကျွန်မတို့ စိတ်ဆေးရုံ သွားလှူဖြစ်တယ်ဆိုတဲ့အကြောင်းပြောလိုက်တာနေမှာလို့...။ အဲဒါကို သူငယ်ချင်းမက အကြားမှားလေတယ်.. စစ်ဆေးရုံတဲ့....။ :D



ပျော်ရွှင်ပါစေ
ခင်တဲ့
မလိခ

မလိခရဲ့သင်္ကြန်ကျပြီ....

အိမ်နားက ပိတောက်တွေ....


သင်္ကြန်ကျပြီ.....

ပြက္ခဒိန်က သင်္ကြန်ထက် တလလောက်နောက်ကျပြီးမှ လာအော်နေလို့... မလိခတော့ သွားရှာပြီလို့.. ခေါင်းတခါခါ စုတ်တသပ်သပ် ဖြစ်သွားကြမလားမသိဘူး...။ မလိခ မသွားသေးပါဘူး အရင်နေရာ အရင်နိုင်ငံမှာပဲ အရင်အလုပ်တွေလုပ်နေတုန်းပါပဲ... :P။

သူများတွေရေတွေဘယ်လောက် လောင်းလောင်း သူငယ်ချင်းတွေနဲ့ကျွန်မ ဘယ်လောက်ရေပက်ခံထွက်ထွက် သင်္ကြန်က ပြီးပြည့်စုံတယ်လို့ခံစားရတယ်မရှိဘူး....။ ပွဲတော်တစ်ခုကို အပေါင်းအသင်း မိဘဆွေမျိုးတွေနဲ့ ပျော်ရွှင်စွာကုန်ဆုံးစေခဲ့တယ်ဆိုတဲ့ ခံစားမှုမျိုးပဲရှိတယ်...။ ဒါပေမဲ့... မနက်အိပ်ရာထလိုက်တာနဲ့.. ဘယ်ကလာမှန်းမသိတဲ့ ပိတောက်ရနံ့ကို ရလိုက်တာနဲ့ အဲဒီနေ့ဟာ ကျွန်မရဲ့သင်္ကြန်ပါပဲ...။ (ကြောင်လိုက်တာနော်.... :D သူများတွေပြောရမှာ အားနာမှာစိုးလို့ ကိုယ်စားပြောပေးတာ..)။ အဲဒီနေ့မျိုးဆို.. အိမ်ရှေ့မှာ “ ပိတောက်ပန်းတွေရမယ်” ဆိုပြီး လက်တွန်းလှည်းကြီးနဲ့.. ဦးလေးကြီးတစ်ယောက် ပိတောက်တွေလာရောင်းတတ်တယ်..။ လာဝယ်တဲ့လူတွေအများကြီးကြားက.. အလုအယက်ဝယ်.. ပြီးတော့ ပန်းခက်လေးတွေကိုရေသေချာဆေး.. လင်ပန်းလေးထဲထည့်ပြီး ဘုရားပန်းကပ်လိုက်ရရင်... စိတ်ကိုချမ်းသာလို့...။ အဲလိုနေ့မျိုးဆို မေမေ့ဆံထုံးမှာလေ ပိတောက်ပန်းလေး တခက်နှစ်ခက်လောက်ရောက်နေတတ်တယ်...။ တအိမ်လုံးကို ပိတောက်ပန်းနံ့တွေကြိုင်လို့..။

ခုကျွန်မရောက်နေတဲ့ နိုင်ငံမှာတော့ လက်တွန်းလှည်းနဲ့ ပိတောက်ပန်းလာရောင်းတဲ့ ဦးလေးကြီးမရှိပါဘူး... ဒါပေမဲ့ ပိတောက်ပန်းတွေရှိတဲ့အတွက်တော့ ကျေနပ်မိတယ်..။ ဒီနိုင်ငံက ပိတောက်ကလဲ ပွင့်နိုင်ခဲလွန်းတယ်.. မိုးဒီလောက်ရွာတာတောင်မှ...။ ကျွန်မမှာ ဒီအိမ်စပြောင်းလာကတည်းက အိမ်နောက်က ပိတောက်ပင်ကြီးတွေကို ကြည့်ပြီး စောင့်နေလိုက်ရတာ.. ဧပြီ တလလုံး....။

ဒီနေ့မနက်အိပ်ရာထတော့ (ဒါနဲ့ စကားမစပ် weekends တွေမှာ ကျွန်မရဲ့ မနက်က နေ့လည် ၁၁နာရီ ၁၂နာလောက်မှ စတတ်တယ်...:D).. ပုံမှန်နေ့တွေလို လုပ်စရာရှိတာလုပ် သူငယ်ချင်းနဲ့ လေပေါနေတုန်း.. ပြတင်းပေါက်မှန်တွေမှာ အရိပ်လာထင်တဲ့ အဝါရောင်ပန်းခက်တချို့ ယိမ်းထိုးနေသလိုလို...။ သေချာအောင်သွားကြည့်လိုက်တော့... အားပါးပါး.. တကယ်ပဲ ပိတောက်တွေ...။ မိုးလေးကလဲ တပြိုက်နှစ်ပြိုက်လောက်ရွာလိုက်သေးတော့.. လေဝှေ့တာနဲ့ ပိတောက်ပန်းရနံ့တွေက ကျွန်မဆီအလုံးအရင်း...။ ကျွန်မနေတာက ခုနစ်ထပ်မှာဆိုတော့ ပန်းတွေပွင့်နေတဲ့ အပင်ထိပ်ဖျားနဲ့ သိပ်မဝေးလှဘူး...။ ခုဆို ပြတင်းပေါက်က လှမ်းကြည့်တိုင်း... ပိတောက်ပန်းတွေကို မြင်နေရတာကိုက ဒီတနင်္ဂနွေရဲ့ စိတ်ချမ်းသာစရာတခုပါပဲ...။

မလိခရဲ့ သင်္ကြန်ကျပါပြီ...။တစ်ရက်ထဲပါ...။ နှစ်တနှစ်ရဲ့ ပိတောက်တွေဝေနေအောင် စပွင့်တဲ့နေ့ပါ။

အားလုံးပဲပျော်ရွှင်ချမ်းမြေ့ကြပါစေ... :D

နှစ်ကူးမိုး

နောက်ဆုံး တင်ဖြစ်တဲ့ ပို့စ်က ၂၀၁၀ ဇွန်လကဆိုတော့ ကိုယ့်ဘာကိုယ်တောင် လန့်သွားတယ်... သီချင်းတောင် ကောက်ကက်ဆိုလိုက်မိတယ်... ဘာလိုလိုနဲ့ တစ်နှစ်ပြည့်ပြီပဲ..... လို့။း)

ဘလော့တွေကို စိတ်ကရောက်ပြီး လူမှုရေးကိစ္စတွေထဲ မျောနေတာနဲ့ လူက မရောက်ဖြစ်ဘူး ဖြစ်နေတယ်။ ခုတလောတော့ မိုးတွေ ဆက်တိုက်လိုလိုရွာပြီး ချမ်းစိမ့်စိမ့်ဖြစ်နေတာနဲ့.. ဟိုကိုလွမ်းသလိုလို ဒီကိုလွမ်းသလိုလို ဟိုလူ့လွမ်းသလိုလို ဒီလူ့ လွမ်းသလိုလိုနဲ့။

နှစ်သစ်ကူးခါနီးမို့ နှစ်ကူးမိုးရွာနေပြီ...။ မေမေကတော့ ပြောတယ် ရန်ကုန်မှာတော့ ပူလိုက်တာတဲ့...။ ပိတောက်တွေပွင့်ရဲ့လားလို့တောင် မေမေ့ကို မမေးလိုက်မိဘူး..။ ခုနေတဲ့ ကျွန်မတို့အိမ်နောက်က ပိတောက်ပင်တွေကတော့.. အရင်လက ဘာစိတ်ကူးပေါက်တယ်မသိဘူး ဟိုတဝါ ဒီတဝါနဲ့ ကြိုကြား ပွင့်သွားသေးတယ်...။ ပွင့်စေချင်လို့ အခုမျှော်ခါမှ.. မပွင့်နိုင်သေးဘူး...။ ခုတလော လေရော မိုးရော ကြီးနေလို့ပဲ အဖူးတွေ ပါကုန်ပြီလားတောင် မပြောတတ်ဘူး..။ တခါတခါတော့လဲ စဉ်းစားမိတယ်.. သင်္ကြန်က နိုင်ငံတကာပွဲ ဖြစ်သွားရင်လဲ ကောင်းမှာလို့လေ..။ ခုလိုမိုးအေးအေးနဲ့ဆို သင်္ကြန်ရုံးပိတ်ရက်လေး အိမ်မှာ မုန့်တွေလုပ်စားပြီး ဝတ္ထုလေးဖတ်နဲ့အတော် ကွေးလို့ကောင်းမှာလို့...။ စိတ်ကူးယဉ်ကြည့်တာပါ...။

နောက် ခုတလောမှ မိုးတွေဆက်တိုက်ရွာရတဲ့ တရားခံက ရှိသေးတယ်..။ အိမ်က သူငယ်ချင်းလင်မယားပေါ့..။ အဲဒီ ကိုကပ်စီးက ဟိုတစ်နေ့က ကြက်တောင်ရိုက်ချင်လို့ဆိုပြီး ဘတ်တံနဲ့ ကြက်တောင်တွေ ဝယ်လာတယ်..။ အားလုံးပေါင်း ဒေါ်လာ၆၀လောက် ကျတယ်ဆိုလားပဲ...။ အဲဒီနေ့ ညနေကတည်း ရွာလိုက်တဲ့မိုးဆိုတာလေ... အိမ်နားက သစ်ပင်ကြီးတောင် ထပ်ပိုင်းကျိုးကျတဲ့အထိ...။ သူငယ်ချင်းကလဲ မလျှော့သေးဘူး... နေ့လည်လောက်ဆို ကြေညာပြီ... ဒီနေ့ညနေတော့ ရုံးကပြန်ရောက်ရင် ကြက်တောင်ရိုက်မယ်ဟာတဲ့...။ မကြာပါဘူး ... ညနေ ၄နာရီကျော်လောက်ဆို မိုးက စရွာတာပဲ သည်းကြီးမည်းကြီး...။ အဲ.. ရှိသေးတယ်.. အဲဒီမိုးက..။ အဲဒီသူငယ်ချင်းက အိုတီရှိလို့ တော်တော်မိုးချုပ်မှ ပြန်ရောက်တဲ့ နေ့ဆိုရင်တော့ ကိုရွှေမိုးကလဲ အဲဒီညနေကို အနားယူပြီး ရွာတော် မမူရှာဘူးရှင့်...။

အဲတော့.. စဉ်းစားစရာတွေ ဖြစ်ကုန်တယ်...။ ခုဆို ထီးမပါတဲ့ နေ့တွေဆို.. သူ့ကို လှမ်းပြောထားရတယ်.. “ နင်.. ကြက်တောင်ရိုက်ချင်စိတ်လေးကို ဒီတစ်ရက် အောင့်ထားရင် ထား.. မဟုတ်ရင်လဲ ဒီနေ့ အိုတီဆင်းလိုက်ဟယ်..” လို့... :D


နှစ်သစ်မှာ ပျော်ရွှင်ကြပါစေ...
မလိခ

တစ်ချိန်တုန်းက ၂

ကျွန်မတို့ကျောင်းက နှယ်နှယ်ရရတော့မဟုတ်ဘူးနော်.. သစ်ပုပ်ပင်လဲရှိသေးတယ်....။ လမ်းမနဲ့ ကျောင်းကြားထဲက သီဟိုဠ်တောထဲမှာ ရှိတဲ့ အပင်ကြီးပါ...။ဘာပင်မှန်းတော့မသိဘူး.. ကျွန်မတို့က သစ်ပုပ်ပင်လို့ ခေါ်တယ်..။ အပင်ကတော်တော်ကြီးတယ်.. မိန်းထဲက သစ်ပုပ်ပင်လောက်တောင် ရှိမလားပဲ..။ ဒါပေမဲ့တောထဲမှာဆိုတော့ ဘယ်သူမှသိပ်မသွားကြဘူး..။ ဆရာတွေကို ရှောင်တဲ့ ဖဲဝိုင်းတွေလောက်ပဲ အဲဒီမှာရှိတတ်တယ်...။ ကျွန်မသူငယ်ချင်းတွေကတော့ ဒေသန္တရလေ့လာရေးဆိုပြီး အဲဒီတောထဲက သစ်ပုပ်ပင်ဆီ သွားဖူးကြသေးတယ်( အားတိုင်း.. ပျင်းတိုင်း ကျွန်မတို့ သူငယ်ချင်းတစ်စု အဲလို လေ့လာရေးလို့ ကိုယ့်ဘာသာနာမည်ပေးပြီး ကျောင်းနားတစ်ဝိုက် အတန်းလစ်ပြီး လျှောက်သွားတတ်သေးတယ်..).. အဲဒီနေ့က ကျွန်မကျောင်းမတက်လို့ မရောက်ဖြစ်လိုက်ဖူး...။

ကျွန်မတို့ကျောင်းက ရန်ကုန်ဘက်ကလာရင် ထမလုံဆိုတဲ့ရွာလေး အကျော်မှာရှိပါတယ်...။ အတိအကျဆိုရင်တော့.. ထမလုံရွာပြင်က သင်္ချိုင်းကျော်ရင် ကျွန်မတို့ကျောင်းဝင်းကို စမြင်ရပြီ...။ သင်္ချိုင်းက ကားလမ်းရဲ့ဘယ်ဖက်.. ကျောင်းက ညာဖက်မှာပါ..။ ရွာသင်္ချိုင်း ဆိုတော့ မှုန်မှုန်မှိုင်းမှိုင်း အုတ်ဂူတွေနဲ့ပေါ့.. တစ်ချို့ဆို အဖြူတောင်အရောင်မထွက်ချင်တော့ဘူး..။ အဲဒီ သင်္ချိုင်းမှာ ထူးထူးခြားခြား အုတ်ဂူတစ်ခုရှိတယ်.. မောင်မောင်ညွှန့် အသက် (၃၅)နှစ်တဲ့..။ ဘယ်ကတည်းကရှိတဲ့ အုတ်ဂူမှန်းမသိပေမဲ့ ကျွန်မတို့ကျောင်းစတက်ကတည်းက သတိထားမိခဲ့တယ်..။ အဲဒီအုတ်ဂူက အမြဲတမ်းသစ်လွင်နေပြီး.. နှစ်တိုင်း အရောင်ပြောင်းသုတ်ခံထားရတတ်တယ်..။ အရောင်တွေကလဲ အုတ်ဂူတွေမှာ တွေ့ရလေ့မရှိတဲ့အရောင်မျိုး...။ အပြာရင့်ရင့်တို့ အစိမ်းတို့...။ ကျန်ရစ်သူမိသားစုအတွက် သေသောသူကြာရင်မေ့ဆိုတဲ့စကားက မှန်ခဲ့ပုံမရဘူးထင်ပါတယ်..။ အဲဒီကျောင်းမှာ ကျွန်မကျောင်းတက်ခဲ့တဲ့ သုံးနှစ်လုံးလုံး အဲဒီအုတ်ဂူလေးက လူတိုင်းသတိထားမိလောက်အောင်ကို အမြဲသစ်လွင်နေခဲ့တယ်..။ နောက်အဲဒီအုတ်ဂူကို မမေ့နိုင်တာ နောက်တစ်မျိုးရှိသေးတယ်...

ကျောင်းကဝေးတော့ ကျောင်းကိုလာရင် ကားပေါ်မှာ သူငယ်ချင်းတစ်ယောက်ယောက်ပါလာလို့ စကားပြောရင်းဆိုရင် ကျောင်းထိကားစီးရတာ ဝေးတယ်လို့မထင်မိပေမဲ့.. တစ်ယောက်တည်းဆိုရင်တော့.. ပျင်းစရာကောင်းတာများ အိပ်ကိုငိုက်တယ်...။ အဲလို အိပ်ငိုက်တတ်တဲ့ ကျွန်မတို့သူငယ်ချင်းတွေ အမှတ်အသားလုပ်ထားတာက... ကျောင်းကားစီးပြီးလာတဲ့နေ့ဆို... တလမ်းလုံးငိုက်.. တရေးနိုးလို့ “မောင်မောင်ညွန့် ၃၅” ဆိုရင်.. ကျောင်းရောက်တော့မယ်ဆိုတာ သိပြီ...။အဲလိုမှတ်ထားလိုက်တယ်.. :D

ကျောင်းကားက ကျောင်းထဲတန်းဝင်တာမို့ ကျောင်းကားစီးရင် ငိုက်တာ ကိစ္စမရှိပေမဲ့ ကျောင်းကားမမီလို့ ဘတ်စ်ကားစီးရတဲ့နေ့မျိုးဆိုရင်တော့ ကိစ္စကရှိပြီ...။ မငိုက်ပဲလဲမနေနိုင်ဘူး...။ အဲဒါဆိုရင်တော့... ငိုက်နေရင်း စပယ်ယာက “ကိုတင်မောင်.. ကိုတင်မောင်”လို့ အော်သံကြားရင်.. ကျွန်မတို့က “ကျောင်းရှေ့ပါတယ်” ဆိုပြီး လှမ်းပြောဖို့ အိပ်မက်ထဲထိစွဲပြီးသား..။ ကျွန်မတို့ကျောင်းမရောက်ခင်မှတ်တိုင်က “ဦးတင်မောင်ခြံ”တဲ့..။ ဒါကြောင့် မောင်မောင်ညွန့်၃၅ နဲ့ ကိုတင်မောင်ဆိုတာ ကျွန်မတို့ကျောင်းတက်ခဲ့တဲ့ တလျှောက်မမေ့နိုင်တဲ့ နာမည်၂ခုပါပဲ...။

မှတ်ချက်။ ဒီပို့စ်ရေးနေတုန်း မောင်မောင်ညွန့်က ၃၅ လား ၃၆ လားမသေချာတော့ အိမ်မှာရှိတဲ့ သူငယ်ချင်း၂ယောက်ကို မေးကြည့်တော့.. တစ်ယောက်က ၃၅ တဲ့.. နောက်တစ်ယောက်က ၃၁တဲ့..။ ကျွန်မကတော့ ၃၆လို့ထင်နေပြန်တယ်..။ ၃၁တော့ မဖြစ်လောက်ဖူး..ဆိုပြီး.. ပယ်လိုက်ကြတယ်။ ၃၅က ပိုရင်းနှီးနေသလိုမို့ ၃၅ လိုက်ရပါတယ်...။ သန်လျင်ဂျီတီစီတက်ခဲ့ဖူးတဲ့သူများ မောင်မောင်ညွန့်ကို မှတ်မိခဲ့တဲ့သူများရှိရင် အမှားပြင်ပေးကြပါလို့... :D

တစ်ချိန်တုန်းက...

“ရင်နာစွာ.. ပြန်လည်တွေးတိုင်း သတိရမိ..နှစ်ကိုယ်တူညီ ချစ်ဖူးတဲ့ တက္ကသိုလ်ဆီ...”

ကျွန်မတို့ငယ်ငယ် ရန်ကုန်တက္ကသိုလ်စိန်ရတုတုန်းက ကြားဖူးခဲ့တဲ့ သီချင်းလေးပေါ့..။ တစ်ချိန်တုန်းက တက္ကသိုလ်တဲ့...။ ကျွန်မတို့ဆိုရင်တော့ တစ်ချိန်တုန်းက ကောလိပ်လို့ပဲပြောမလား.. တစ်ချိန်တုန်းက ဂျီတီစီလို့ပဲ ပြောရမလား...။ အင်း တစ်ချိန်တုန်းကလို့ ဆိုတာကတော့ အခုနဲ့မတူလို့ပေ့ါ...။ အဲဒီတုန်းက ယူနီဖောင်းဆိုတာကြီး မဝတ်ရသေးဘူးလေ..။ ကျောင်းထဲဝင်လိုက်တာနဲ့ အရောင်ကိုစုံနေတာပဲ.. ပျော်စရာကြီး...။ ဟိုအင်္ကျီခရမ်းရောင်နဲ့ အစ်ကိုကြီးက ဘယ်လို.. ITကွင်း ဝတ်လာတဲ့ အကျီလေးကဖြင့် ချစ်စရာလေးနဲ့ အတင်းတွေ သတင်းတွေ ပြောရတာလဲ ပျော်စရာကြီး...။

ကျွန်မတို့ကျောင်းမှာ တောလမ်းလို့ခေါ်တဲ့ မြေလမ်းလေးလဲရှိသေးတယ်..။ လမ်းမကြီးနဲ့ ကျောင်းနဲ့ ကြားမှာ သီဟိုဠ်တောလေးရှိတယ်..။ ကျောင်းထဲဝင်တဲ့ ကွန်ကရစ်လမ်းမကြီးက နေပူလွန်းလို့ ... ကျွန်မတို့တတွေ.. သီဟိုဠ်တောစပ်က မြေလမ်းလေးအတိုင်းလျှောက်ကြတယ်.. မိုးမရွာတဲ့နေ့တွေဆိုရင်ပေါ့..။ အပင်ကြိုအပင်ကြားက ကွေ့ဝိုက်သွားရတဲ့ အဲဒီလမ်းလေးက ထီးဆောင်းစရာမလိုအောင်ကို သစ်ပင်ရိပ်တွေနဲ့ အေးမြနေလေ့ရှိတယ်..။ မိုးရွာရင်တော့ ကျွန်မတို့ရဲ့ မြေလမ်းလေးက ရေမြောင်းတိမ်တိမ်လေး ဖြစ်နေတတ်တယ်..။ မြွေပါးကင်းပါးကလဲ ကြောက်တတ်သေးတော့.. အဲဒီလမ်းကိုသွားရင် T-Square ကြီး တရမ်းရမ်းနဲ့ အသံပေးပြီးလဲ သွားရတယ်..။ သူရှောင် ကိုယ်ရှောင်ပေါ့..။

တောလမ်းကနေ ထွက်လိုက်ပြီဆိုရင်ပဲ လမ်းဆုံလေးတစ်ခုကို ဘွားကနဲတွေ့ရပြီ...။ ညာဖက်ချိုးရင် လမ်းရဲ့ ဘယ်ဖက်တစ်ခြမ်းလုံး ခရေပင်တွေပြည့်နေတဲ့ ခရေပင်လမ်း..(ကျွန်မတို့ သူငယ်ချင်း ၇ ယောက်ပေးထားတဲ့ နာမည်ပါ..။ ရှေ့လျှောက် ပါသမျှနာမည်တွေက ကျွန်မတို့ပေးထားတဲ့ နာမည်တွေချည်းပါပဲ.. နာမည်တွေမှာ ရာဇဝင်တွေလဲရှိသေးတယ်ရှင့်..)။ ဒီလမ်းလေးကို နာမည်မှည့်ဖို့လုပ်တုန်းက ကျွန်မတို့သူငယ်ချင်းတစ်စု ကိုယ့်စိတ်တိုင်းကျ နာမည်ပေးချင်စိတ်နဲ့ လုရသေးတယ်..။ နောက်ဆုံး အဝေမတည့်တာနဲ့ပဲ အားလုံးသဘောတူညီမှုနဲ့ ခရေပင်လမ်းဖြစ်သွားခဲ့တယ်..။ ရှေ့တည့်တည့်မှာက မိန်းလမ်း ။ အကျယ်ဆုံးနဲ့ လမ်းအကောင်းဆုံးမို့ ပါ..။ လမ်းရဲ့ ညာဖက်မှာက ကျောင်းအုပ်ကြီးရုံးခန်း၊ ကျောင်းသားရေးရာနဲ့ workshops တွေရှိတဲ့ အဆောက်အဦး.. ပြီးတော့ EC နဲ့ FC Department ရှိတဲ့ အဝါရောင်တိုက်ပုလေး.. ။ လမ်းရဲ့ ဘယ်ဖက်မှာကတော့ နှစ်ထပ် Drawingဆောင်.. နောက်တော့ စာသင်ခန်းတွေမလောက်တာနဲ့ ကျွန်မတို့ ဒုတိယနှစ်မှာ စာသင်ဆောင်ဖြစ်သွားတယ်..။ ကျွန်မကျောင်းကထွက်လာပြီးမှ သူငယ်ချင်းတွေ ဘွဲ့ယူတဲ့ နှစ်မှာတော့ အဲဒီအဆောင်က Convocation Hall ဖြစ်သွားပြန်ပါတယ်တဲ့... တော်တော်စွယ်စုံရတဲ့ အဆောင်ကြီးပါ.။ လမ်းရဲ့အဆုံးနားမှာက ဂျီတီစီကျောင်းသားတို့စုံရာ Canteen..(ကျွန်မပြောတာ စုံရာ နော်... ဆုံရာမဟုတ်ဘူး.. :P။ သူငယ်ချင်းတွေ လူစုံအောင်တွေ့ရတာ အဲဒီတစ်နေရာပဲရှိလို့...:D)။

Canteen ရှိရာ အဝန်းအဝိုင်းလေး အစွန်း ဘယ်ဖက်မှာက စေတီလေး..။ ရင်ပြင်လေးနဲ့ သပ်သပ်ရပ်ရပ် အေးအေးချမ်းချမ်းရှိတဲ့ တစ်ဝဂူစေတီလေး...။ ကျွန်မတို့ကတော့ ဘုရားလေးလို့ခေါ်ကြတယ်။ ဘုရားလေးအနောက်ဖက်မှာက လယ်ကွင်းတွေ..။ ဆောင်းတွင်းဆို အဲဒီလယ်ကွင်းမှာ ပုလဲပန်းလို့ခေါ်တဲ့ ရိုးတံရှည်ရှည်နဲ့ ပန်းဖြူဖြူလေးတွေ အလေ့ကျပေါက်တယ်..။ အဲဒီချိန်ဆို လယ်ကွင်းထဲက ပန်းတွေခူးပြီး.. ဘုရားလေးရင်ပြင်မှာ.. ပန်းတွေကျစ်ကြတယ်..။ ပန်းကျစ်တယ်လို့ သုံးရတာက ဒီလိုပါ...။ ပုလဲပန်းရဲ့အရိုးက မြက်ပင်တွေလိုဆိုတော့ ပျော့တယ်..။ ခူးပြီးရင် ကြာကြာမခံဘူး.. အရိုးကနေ ကျိုးတော့တာပဲ..။ အဲဒီပန်းလေးတွေကို အရိုးလေးတွေ တစ်ခုနဲ့ တစ်ခုလိမ်ပြီး... ကျစ်လိုက်တော့ လွယ်လွယ်နဲ့မကျိုးတော့ဘူးပေါ့..။ ပြီးတော့ ပန်းပွင့်လုံးလုံးလေးတွေကလဲ ကြောင်လိမ်လှေကားလေးလို ဖြစ်နေရော..။ အဲလိုကျစ်တာကို ကျွန်မတို့က “အချစ်”လို့ခေါ်တဲ့ ITကသူငယ်ချင်းက သင်ပေးတယ်လို့ထင်တာပဲ..။ သိပ်တော့မမှတ်မိတော့ဘူး...။ ပြီးရင်တော့ အဲဒီပန်းလေးတွေကို ဘုရားမှာကပ်ကြတယ်..။ တစ်ချို့ကြတော့လဲ အိမ်သယ်သွားကြတယ်..။ ကျွန်မတို့ကျောင်းက ဆောင်းတွင်းဆို ချစ်စရာအကောင်းဆုံးပဲ..။ သိပ်လဲသာယာတယ်..။ ကျောင်းပိတ်ခါနီး နွေဆိုရင်တော့ ပူပြင်းခြောက်သွေ့နေပြီး မိုးရာသီမှာတော့ စာသင်ခန်းကိုသွားဖို့ သိုင်းကွက်နင်းရပါတယ်..။ ဗွက်တွေ နွားချေးတွေကို ရှောင်ရှားရင်းပေါ့..။

အဲဒီ Canteen မရောက်ခင်လေးမှာ ညာဖက်ချိုးသွားတဲ့လမ်းကိုတော့.. ကျွန်မတို့က “နတ်ချောင်း”လမ်းလို့ခေါ်တယ်..။ အဲဒီလမ်းလေးရဲ့ ဘယ်ဖက်မှာ IT Department နဲ့ စာသင်ခန်းတွေ ရှိတဲ့ အစိမ်းနုရောင် တစ်ထပ်အဆောက်အဦးလေးရှိတယ်..။ အဲဒီမေဂျာက ကောင်မလေးကို ကျွန်မသူငယ်ချင်းက သဘောကျတယ်..။ ပြီးတော့ လူကြားထဲ နာမည်ရင်း မခေါ်ပဲ အတင်းပြောလို့ကောင်းအောင် ကျွန်မတို့တွေက ကောင်မလေးကို နတ်ကလျာလို့ခေါ်တယ်..။ တရုတ်သိုင်းကား သိုင်းလောကစိန်ခေါ်သံ ထဲက မင်းသမီးနာမည်လေ...။ ဟဲဟဲ.. ဒီလောက်ဆိုသဘောပေါက်လောက်ပြီပေါ့.. ဘာကြောင့် နတ်ချောင်းလမ်း ဖြစ်သွားရသလဲဆိုတာ...။

နောက်ပြီးရှိသေးတယ်..ခရေပင်လမ်းရယ် နတ်ချောင်းလမ်းရယ်နဲ့ မျဉ်းပြိုင်ရှိတဲ့ EC, FC Department ဆောင်နဲ့ ကျောင်းသားရေးရာတို့ workshops တို့ရှိတဲ့ အဆောင်ကြားထဲက လမ်းကိုခေါ်တာက “မြင်းစောင်းလမ်း” တဲ့..။ အဲဒီလမ်းနဲ့ ကပ်ရပ်ရှိတဲ့ workshop က EP workshop..။ ဒီတစ်ခါက ကျွန်မဇာတ်လမ်း..။ ကျွန်မတို့ထက် တစ်တန်းကြီးတဲ့ အသားဖြူဖြူအရပ်ရှည်ရှည်နဲ့ EPက အစ်ကိုကြီးကို ကျွန်မက သဘောကျတယ်..။ သူငယ်ချင်းတွေကတော့ အဲဒီလူကို အားရပါးရ နာမည်ပေးထားတာက “မြင်းဖြူကြီး”တဲ့...။ ဟဲဟဲ... အဲဒီလမ်းကို ကျွန်မလျှောက်ရင် ကိုယ့်ဌာနရှိတဲ့ဖက် ယောင်လို့တောင်မကြည့်ပဲ EP Workshop ရှိတဲ့ဖက်ပဲ စောင်းကန်းစောင်းကန်းလျှောက်တတ်လို့.. အဲဒီနာမည်တွင်သွားရခြင်းပါ...။ ကျွန်မကလဲ ကျွန်မပဲလေ...။

နောက် မိန်းလမ်းနဲ့ အပြိုင်... လမ်းကိုတော့.. ဘောလုံးကွင်းလမ်းလို့ပဲ ရိုးရိုးလေးပေးလိုက်တယ်..။ အဲဒီကတည့်တည့်သွားရင် ကျွန်မတို့ကျောင်းရဲ့ ဘောလုံးကွင်းကိုရောက်တယ်..။ ဘောလုံးကွင်းရဲ့ ဟိုဘက်မှာက ဆရာ ဆရာမတွေရဲ့အိမ်တွေ...။ ကားလမ်းမနဲ့ဆို ဝေးလွန်းလို့...။ စဉ်းစားကြည့်လေ.. ကြားထဲမှာ သီဟိုဠ်တောရယ်.. တမျှော်တခေါ် ကျောင်းဝင်းကြီးရယ်.. ဘောလုံးကွင်းရယ်..။ အဲဒါတွေလွန်မှ သူတို့အိမ်ကိုရောက်ရတာ...။

Title: = ခေါင်းစဉ်

~~စာမီနာ မီနာ... အေ့... အေ့... ဝါကာ ဝါကာ အေး..အေ့...~~

မင်္ဂလာပါ...။ ခုနေရာတိုင်း ဝါကာဝါကာနေကြတော့.. ကျွန်မလဲ ဝါကာဝါကာကြည့်တာပါ.. :D..။ အဲဒီ ဝါကာဝါကာ ကလဲ ကူးစက်ရောဂါလိုပဲ..။ တကယ်ပါ..။ ကမ္ဘာ့ဖလားမစခင် ဝါကာဝါကာ ကို ဒီနှစ်ကမ္ဘာ့ဖလားသီချင်း ဆိုပြီး... သေချာသွားတဲ့အချိန်တုန်းက KL က သူငယ်ချင်းက ဂျီတော့ခ်ကနေ လင့်ခ်လာပေးတယ်..။ နားထောင်ကြည့်.. ကောင်းတယ်တဲ့..။ ကျွန်မလဲ နားထောင်ကြည့်တော့ .. အမယ် မဆိုးဘူး သီချင်းလေးက မြူးသားပဲပေါ့..။ မာန်လေးလဲပါသလို.. ရိုးရာသံလေးလဲပါတယ်ပေါ့.. (ကိုယ့်ဘာသာ ဆရာကြီးလုပ်ပြီး တွေးကြည့်မိတာပြောပါတယ်.. တကယ်က ကျွန်မက ဘာမှလဲသိတာမဟုတ်ဘူး...)..။ အဲ နောက်သုံးရက်လောက်နေတော့.. ကျွန်မကို လာပြောပြန်တယ်.. ငါ ဝါကာဝါကာကို အလွတ်ရသွားပြီတဲ့..။ အမ်.. နင့်ဟာကလဲ ကြိုးစားလှချည်လား... ပေါ့။ ဒါနဲ့ အိမ်ကို ကျွန်မချစ်သူလာလည်တဲ့နေ့ကျတော့.. ဘာရယ်မဟုတ်ဘူး ဝါကာဝါကာလေး ဖွင့်ပြမိလိုက်တယ်..။ အဲ... နောက်တော့ ဒင်းက ကျွန်မကွန်ပျူတာကို အပိုင်စီးပြီး ဝါကာဝါကာကို youtube မှာ စာသားရှာပြီး အလွတ်ထိုင်ကျက်နေပါလေရောလေ...။

ခုဆို ကမ္ဘာ့ဖလားလဲ အရှိန်ကောင်းနေပါပြီ...။ ရုံးရောက်လို့ ဂျီတော့ခ်တက်တိုင်း အမြဲရှိနေတတ်တဲ့ KLက သူငယ်ချင်းလဲ ပျောက်နေရှာပြီ..။ ညတိုင်း ဝါကာဝါကာနေရလို့ ရုံးတောင်မှန်ရဲ့လားမသိပါဘူး..။ ဟိုတစ်နေ့က ဂျာနယ်တစ်ခုမှာ မြန်မာနိုင်ငံက မင်းသမီးလေးတစ်ယောက် ကမ္ဘာ့ဖလားအတွက် ဆုတောင်း ပေးထားတာလေးကို သဘောကျမိလို့ပါ...။ အားလုံး နိုင်စေချင်တဲ့ အသင်းတွေနိုင်ကြပါစေ.. တဲ့။ ဟုတ်ကဲ့ ကျွန်မလဲ အဲလိုပဲ ဆုတောင်းပေးချင်ပါတယ်..။ အားလုံး နိုင်စေချင်တဲ့ အသင်းတွေ နိုင်ကြပါစေ.. လို့.. :P။

ခု ကျွန်မအလုပ်အသစ်မှာ ဘော့စ်အသစ်နဲ့ ဘဝကြီးသာယာနေပါပြီ..။ အရင်အလုပ်တုန်းက ရုံးကပြန်ရောက်ရင် အိပ်ရာထဲခွေ.. စနေ တနင်္ဂနွေဆို အိမ်မှာပဲအောင်းပြီး ဘယ်မှမသွား ဘယ်သူနဲ့မှ မတွေ့ပဲ စိတ်ဓာတ်တွေ အောက်ဆုံးရောက်နေခဲ့တဲ့ကျွန်မ.... ခုဆို.. လန်းလန်း လန်းလန်းနဲ့ ရုံးပိတ်ရက်ဆို အိမ်ကို မကပ်တော့ဘူး..။ ပြီးတော့ ဇာမဏီ့အိမ်သွားသွားပြီး.. ဝိုင်းကလေးတောင်ထောင်လိုက်သေး...။ ဟဲဟဲ ဘာဝိုင်းလို့ထင်လဲ.. ဖဲဝိုင်းပေါ့.. (ဒီပို့စ်ကို PG 15လို့ ကိုယ့်ဘာသာသတ်မှတ်ထားပါတယ်.. :P)။ သိပ်တော့အထင်မကြီးပါနဲ့.. (မကြီးမှန်းတော့သိပါတယ်.. ပြောကြည့်တာပါ.. :D).. ကျွန်မတို့ကြေးက ဆယ်ပြား.. ပြားသုံးဆယ်ပါ.. ပိုကာမှာဆိုရင်ပေါ့..။ တခါတခါလက်ကြီးတဲ့သူတွေပါရင်တော့ ပြားသုံးဆယ် .. ပြားငါးဆယ် ဖြစ်သွားတတ်ပါတယ်..ဟဲဟဲ..။ အဲ.. ပိုကာဆော့လို့ပျင်းလာရင်တော့.. Big 2 ဆော့ပါတယ်..။ ဒါကလဲ တစ်ချပ် ဆယ်ပြားကြေးပါ..။ နောက် အဲဒါမှပျင်းလာရင်.. facebook ထဲက Texas Poker လိုဟာမျိုးဆော့ပါတယ်..။ စည်းကမ်းတွေကတော့ တခါတခါ အများညီလို့ “ဤ” က “ကျွဲ” ဖြစ်သွားရတာမျိုးပေါ့..။

တချို့ယောင်္ကျားလေးတွေ ဆေးလိပ်သောက်တာ အရက်သောက်တာကို ကြိုက်သလိုမျိုး ကျွန်မလဲ ဖဲရိုက်ရတာကို ကြိုက်ပါတယ်..။ ဖဲရိုက်ရင်း တစ်ယောက်နဲ့ တစ်ယောက် စနောက်.. ရယ်စရာတွေပြော.. ကိုယ့်အလုပ်သူ့အလုပ်က အကြောင်းတွေ၊ စိတ်ညစ်စရာတွေ ဒေါသထွက်စရာတွေ ဟာသတွေ... အပြန်အလှန်ပြောကြ...။ ပြီးတော့ ပါးစပ်ကသာ အဲလိုပြောနေတာ လက်ကလဲ ကိုယ့်အလှည့်ရောက်ရင် သူ့အလိုလိုက လှုပ်ရှားနေသေး...။ တခါတခါများဆို ကိုယ်က ဖဲကလေးကြည့်ရင်း ကိုယ့်အလုပ်က အကြောင်းလေး ပြောနေမိပါတယ်... ကိုယ့်ရှေ့က ငါးပြား ဆယ်ပြားပိုက်ဆံပုံထဲက လစ်ရင်လစ်သလို လာခိုးတဲ့လူကလဲ ရှိသေး...။ ပြီးတော့ ပိုကာကစားရင် အပေါ်အိမ်ကနေပြီး ကိုယ်ပြောတာ စိတ်ဝင်တစားနားထောင်သလိုလိုနဲ့ ဖဲလာခိုးကြည့်တာမျိုးကလဲ ခံရတတ်သေးတယ်..။ အဲဒီတော့ မျက်စိကလဲ လျင်ရသေးတယ်ရှင့်..။

ငါးပြားဆယ်ပြားဝိုင်းဆိုတော့ နိုင်ရင်လဲ နှစ်ကျပ် သုံးကျပ်ပေါ့..။ တခါတခါ သိပ်ကံကောင်းတဲ့သူကျတော့ တစ်ဆယ်လောက်နိုင်တတ်တယ်..။ တဝိုင်းလုံးရှုံးတဲ့အခါမျိုးပေါ့..။ အဲဒီခါမျိုးကျရင် နိုင်တဲ့လူရဲ့ ပိုက်ဆံပုံကို အားလုံးမျက်စောင်းတွေထိုးကြရင်း ... ဝိုင်းလုရအောင်တို့.. ရိုက်လုရအောင်တို့ တစ်ယောက်ကမီးပိတ်လိုက် ကျန်တဲ့လူက ပိုက်ဆံပုံကို အစဖျောက်ပေးမယ်တို့ ကျိန်းတာမျိုးကလဲ ရှိတတ်တယ်.. အဲဒီ ငါးကျပ် တစ်ဆယ်ကို..။ ကစားနေရင်း သိပ်ကံဆိုးလို့ ပါသမျှ အကြွေတွေ ပြောင်ပြီဆိုရင်တော့ အဲဒီလူ မကစားတော့မှာစိုးလို့ ကျန်တဲ့လူတွေက တစ်ကျပ် နှစ်ကျပ်ပေးပြီး အရင်းပြန် မ,တည်ပေးကြသေးတယ်..။ ပျော်စရာလဲ ကောင်းသလို ချစ်စရာလဲကောင်းကြတယ်...။

ကျွန်မတို့ဝိုင်းမှာ ကျွန်မတို့ထက် ငယ်တဲ့ ကျောင်းကို ကျွန်မတို့နောက်နှစ်မှ ပြီးတဲ့ ကောင်လေးတွေလဲပါတယ်..။ သူတို့က ဇာမဏီတို့ ဇနီးမောင်နှံနဲ့ တစ်အိမ်ထဲနေတဲ့ ကလေးတွေပေါ့..။ သူတို့တွေကလဲ ကျွန်မတို့ တခြားအကြောင်းကြောင်းကြောင့် သူတို့အိမ်မသွားဖြစ်တဲ့ အပတ်တွေဆို.. ဖုန်းဆက်ပြီး အစ်မကြီးတို့မလာဘူးလား နဲ့ သတိတရမေးတတ်ကြတယ်..။ တချို့တချို့ weekends တွေ ဖဲရိုက်ရမှာ mood မရှိကြရင်တော့ ဂစ်တာတီးပြီး သီချင်းဆိုကြတယ်..။ အဲဒီခါမျိုးဆိုရင်တော့ ကျွန်မတို့ သူငယ်ချင်းဖြစ်တဲ့ ဇာမဏီ့ယောင်္ကျားရယ်.. နောက်သူငယ်ချင်းတစ်ယောက်ရယ်က မျက်ခုံးလှုပ်နေကြပြီ..။ အဲဒီမှာက သူတို့နှစ်ယောက်ပဲ ဂစ်တာတီးတတ်တာကိုး..။ ဆိုချင်တဲ့သူတွေက ကျွန်မတို့မိန်းကလေး လေးယောက်ပေါ့...။ အသံသေးအသံကြောင်နဲ့.. နောက်တနေ့ အိပ်ရာထလို့ အသံထွက်နိုင်သေးတဲ့သူကပဲ သစ္စာဖောက်လိုလိုနဲ့ အနိုင်မခံအရှုံးမပေးကို အပီဟစ်ကြတာ...။ တီးတဲ့သူ မတီးတတ်တော့တဲ့ သီချင်းဆို ကွန်ပျုတာရှေ့ချ youtube ဖွင့်ပြီးလဲ ဆိုကြသေးတယ်...။ သီချင်းတွေကလဲ အစုံပဲ.. ကျွန်မနဲ့ ဇာမဏီက Oldies ဆိုတော့... ကျွန်မတို့တီးခိုင်းတဲ့သီချင်းတွေက မောင်တို့ချယ်ရီမြေလို.. LOBOရဲ့ Stoney လိုဟာမျိုး ပြီးတော့ Ronan Keating လဲအကြိုက်တူတယ်။ နောက်နှစ်ယောက်က အသက်ကြီးပေမဲ့ နှလုံးသားတွေ နုသစ်နေတုန်းဆိုတဲ့ အပျိုကြီးမမတွေ..။ သူတို့ကြိုက်တာက ဂျင်းနီတို့.. ရသတို့.. ပြီးရင် Justin Bieber နဲ့ Taylor Swift.။ Rehana နဲ့ Lady Gaga လဲ သူတို့ကြိုက်တယ်..။

သြော်.. ကြုံတုန်း ဖွရဦးမယ်...။ Lady Gaga ရဲ့ နာမည်ကြီး Bad Romance ကို ပြန်ဆိုထားတာရှိသေးတယ်..။ ဂစ်တာတီးတဲ့ သူငယ်ချင်းက စလိုက်တာ..။ သီချင်းမှာ “ရာ-ရာ-အာ-အာ-အား, ရော်မာ-ရော်မာ-မား, ဂါဂါ-ဝူ-လာ-လား” ဆိုပြီးပါတယ်လေ..။ အဲဒါကို သူက ဂစ်တာလေးတီးပြီး ဘယ်လိုဆိုလဲဆိုတော့.. “ရာ-ရာ-အာ-အာ-အား, ရော်မာ-ရော်မာ-မား, ဇာဇာ-အူကြောင်ကြား” တဲ့..။ ဇာမဏီ့အတွက် သီချင်းတဲ့...:D..။ အဲဒီနောက်ပိုင်း တပတ်လောက်က ရုံးမှာ တစ်ယောက်တည်းပျင်းလို့ သီချင်းညည်းမယ်ကြံတိုင်း ပါးစပ်က အဲဒီ “ရာ-ရာ-အာ-အာ-အား, ရော်မာ-ရော်မာ-မား, ဇာဇာ-အူကြောင်ကြား”ချည်းပဲ ဆိုဆိုမိနေတော့တယ်..။ သီချင်းပေါက်သွားတယ် ဆိုရမှာပေါ့...။ :D

ပြီးခဲ့တဲ့နှစ် အောက်တိုဘာကတည်းက ပျောက်သွားတာဆိုတော့... ခုမှပဲ နှုတ်ဆက်ရတော့မယ်...:D
နှစ်သစ်မှာ ကျန်းမာ ပျော်ရွှင် ချမ်းမြေ့ကြပါစေ... လို့..။
ခု စင်္ကာပူရာသီဥတုက ပူလိုက်အေးလိုက်နဲ့မို့... စင်္ကာပူက သူငယ်ချင်းတွေလည်း.. ကျန်းမာရေးကို ဂရုစိုက်ကြပါဦးနော်....

(ဘာခေါင်းစဉ်ပေးရမှန်း စဉ်းစားမရလို့ ခေါင်းစဉ်ရေးရမဲ့ box ဘေးနားကစာလေး ပြန်ကူးရေးလိုက်တာ.. )
:D
မလိခ