Wednesday, December 21, 2011

Merry Merry Merry Christmas!!!!

သူငယ်ချင်းက ပြောတယ်... အမြဲ ready to smile ဖြစ်နေတဲ့ မျက်နှာပိုင်ရှင်တွေက ပါးစပ်တဝိုက်မှာ အရေးအကြောင်းတွေ ထင်လွယ်တယ်တဲ့...။
ပြုံးကျင့် ရယ်ကျင့် နည်းတဲ့ ကိုယ့်ကိုယ်ကို တိတ်တခိုးကျိတ် ကျေနပ်မိတယ်...

ဝဝပြည့်ပြည့် ဖြစ်နေတဲ့ ခန္ဒာကိုယ်ကို ဝိတ်တော့ချချင်ပါရဲ့...။ ပူဖောင်းကို လေလျှော့ထားတဲ့ ရုပ်ထွက်မှာ ကြောက်လို့ ငြိမ်နေရတယ်... (ဆင်ခြေဟု.. ယူသော် ရ၏)

ဒီနေ့... ဟိုတလောကမှ ရည်းစားလက်မဲ့ ဖြစ်သွားတဲ့ သူငယ်ချင်း တစ်ယောက်နဲ့ အွန်လိုင်းမှာ တွေ့တယ်...။ သူက ခုရန်ကုန်မှာ..။ ကောင်မလေးတစ်ယောက် တွေ့ထားတယ်တဲ့..။ အသက်လေးက ၂၀ဝန်းကျင်တဲ့..။ ချစ်စရာလေးတဲ့..။ ခင်တာမှ လေးငါးရက်ပဲ ရှိသေးတယ်တဲ့..။ ၂ရက်လောက် မှာ ကောင်မလေးကို အိမ်ကို ခေါ်လာတယ်တဲ့..။ အဲ့တော့မှ ကောင်မလေးက သူ့နာမည်မေးတယ်တဲ့..။ အိမ်ရောက်တော့ ကောင်မလေးကို တယုတယ ဖက်ထွေးပြီး အိပ်ချင်တယ်လို့ ပြောတော့ ကောင်မလေးက မသိနားမလည်တဲ့ ကလေးလေးလို ပြန်ကြည့်တယ်တဲ့...။
ပြန်ပြောလိုက်မိတယ်.. မေးရဲတဲ့ နင့်ကိုလဲ အံ့သြတယ်... ပါးရိုက်မလွှတ်လိုက်တဲ့ ကောင်မလေးကိုလဲ အံ့သြတယ်လို့...။
တခါတခါလဲ ရုပ်ရှင်တွေထဲကလို... “ အလို... လောကကြီး ဘာတွေ ဖြစ်ကုန်ပြီလဲ ” လို့ ခေါင်းတခါခါနဲ့ အော်တယ်...။
တခါတခါလဲ ဒီခေတ်ဒီအခါကြီးထဲ သားသမီးမွေးရမှာ ကြောက်စရာကြီးလို့ တွေးတယ် ။ မွေးဖွားစရိတ်။ ဆေးရုံစရိတ်။ နို့မှုန့်ဖိုး။ ဈေးကြီးလွန်းလှတဲ့ ကလေးပစ္စည်းပစ္စယ။ ကျောင်းစရိတ်။ မုန့်ဖိုး။ အဝတ်အစားဖိုး....။ ဘာဖိုး ညာဖိုး... ဟိုဖိုး ဒီဖိုး.......
ဖေဖေနဲ့ မေမေက တော်တော် ကျေးဇူးတင်စရာ ကောင်းတာပဲ....

နောက် အသက်ခပ်ကြီးကြီးမိတ်ဆွေ တစ်ယောက်နဲ့ တွေ့တယ်..။ အွန်လိုင်းမှာပဲ...။ သူ့မလဲ အွန်လိုင်းရည်းစားတွေ များလွန်းလို့..။ အသက်လဲကြီးပြီ ဒီလိုတွေနဲ့ အချိန်ကုန်မနေနဲ့တော့ ဘုရားတရားလေးတော့ လုပ်သင့်ပြီထင်တယ်လို့... သွားဆရာလုပ်မိတယ်...။
မိတ်ဆွေချင်း မျက်နှာ ပျက်စရာ ဖြစ်လုလု ဖြစ်ခဲ့ရတယ်...။

အော် ဒုက္ခ ဒုက္ခ....။ ငါ့မလဲ အနေမတတ်လိုက်လေခြင်းရယ်လို့ပဲ ညည်းလိုက်တယ်...။

Christmas Eve ကျရင်တော့ ဘော်ဒါတွေနဲ့ ဘာဘီကျူး လုပ်စားမယ်...။ ဘာဘီဆိုတာ ဝက်သားကို ခေါ်ပေမဲ့.. ဝက်သားတော့ ပါမယ်မထင်ဘူး..။ ဒါပေမဲ့ အိုကေပါတယ်..။ အစားအသောက် ဂျီးမများဘူး..။ ကိုယ်မလုပ်ရရင် အကုန်စားကောင်းတယ်..။ အိတ်ထဲက ပိုက်ဆံမထွက်ရင် ပိုလို့တောင် စားကောင်းသေးတယ်...။

၂၃ရက်နေ့ကိုတော့ ဆာကူရာမှာ ဂျပန်စာ သွားစားမယ်..။ ပိုက်ဆံလား...။ လူမိုက်နဲ့ငွေ အတူမနေဆိုတာ အလကားပြောတာ..။ တကယ်က ရှိပူရသေး ကုန်မှအေး...။ အပူတွေကို မကိုင်ထားချင်ဘူး...။ သုံးပစ်တယ်..။

ရန်ကုန်ပြန်ခါနီး မောင်ဝမ်းကွဲလေး အကြောင်းကို ရန်ကုန်က လူကြီးတွေကို ဖုန်းဆက်ပြီး တိုင်တယ်..။ ဒါမှ လေယာဉ်ပေါ်က ဆင်းဆင်းချင်း သြဘာစာရွတ်ခံရမယ်..။ ကလေးတွေကလဲ ခက်တယ်... ဘာမှကို စိတ်တိုင်းကျစရာ မတွေ့ဘူး..။ ကိုယ့်တုန်းကရော...။ အော်.... ပြီးသွားတာတွေ ပြန်မစဉ်းစားဘူး ခေါင်းရှုပ်တယ်..။

ဘာပဲ ဖြစ်ဖြစ်... ခရစ္စမတ်မှာ အောချက်သွားမယ်...။ မီးတွေထွန်းတာသွားကြည့်မယ်..။ တွေ့သမျှ ဓာတ်ပုံတွေ လျှောက်ရိုက်ပြီးမှပဲ ပို့စ်တခု ထပ်ရေးမယ်...။

New Year Wish တွေ FB မှာ ပလူပျံနေတယ်..။ ဘာမှလဲ မလိုချင်ပါဘူး..။ လိုချင်တိုင်းလဲ ရတာကျလို့..။ ကိုယ့်ဘာသာကို လုပ်ယူရတာချည်းပဲ..။ ပင်ပန်းတယ်..။ ဘာမှ မလိုချင်ဘူး..။ ပိုက်ဆံတွေ အထုပ်လိုက် လာပေးပါမယ်ဆိုရင်တောင်...။ ပေးတဲ့သူကို ဒီလူဘယ်ကရလာတာပါလိမ့်လို့ သံသယမျက်လုံးနဲ့ ကြည့်မယ့် ကိုယ့်အကြောင်းကိုယ် လဲသိတယ်..။ နားအေးပါးအေးလေး နေရရင်ပဲ တော်ပီ...။

အားလုံးကိုတော့... Merry X'mas & Happy New Year ပါ....။
တောင်းတဲ့ဆုတွေ ပြည့်ပါစေ....


ပျော်ပါစေ
ခင်တဲ့
မလိခ

Wednesday, December 7, 2011

စိတ်နဲ့ မတွေ့တာလေးတွေ

“ညည်းတို့ ခေတ်များ ဘယ်ကြည့်ကြည့် ကျုပ်စိတ်နဲ့ကို မတွေ့ပါဘူး” လို့ ညည်းပြောလေး ပြောတတ်တဲ့ အဘွားတစ်ယောက်ကို သတိရမိတယ်..။ အဲဒီစကားကြားတိုင်းလဲ ကျွန်မ ပြုံးမိခဲ့တယ်...။ ဘာရယ်မဟုတ်ဘူး... သဘောကျလို့..။

ကျွန်မလဲ အသက်လေးရလားလို့ပဲလား မသိဘူး.. အဘွားလို စိတ်ထဲမတွေ့တာတွေ တွေ့တွေ့လာရတယ်..။ သူများနိုင်ငံမှာ နေတာဆိုတော့ ပိုဆိုးပေါ့ ...။ ငယ်ငယ်ကတော့ ကိုယ့်စိတ်နဲ့မတိုက်ဆိုင်ရင် တခုခုဆို အားမနာပါးမနာ ပြန်ပြောလို့လား မသိဘူး... စိတ်ထဲ မတွေ့လိုက်တာဆိုပြီး တနုံ့နုံ့ဖြစ်စရာမျိုးက ခပ်ရှားရှားရယ်..။ ခုတော့ တကယ်ပဲ ဘယ်ကြည့်ကြည့် စိတ်ထဲ မတွေ့ဘူးချည်း ဖြစ်နေတယ်..။

ကျွန်မ သူဌေးက စိတ်ရင်းလေး ကောင်းပါတယ်...။ ပြောရရင် ကျွန်မ part-time ရော Full-time ရော အလုပ်လုပ်ခဲ့ဖူးသမျှ အလုပ်ရှင်တွေထဲ သူအကောင်းဆုံးလို့တောင် ပြောလို့ရတယ်..။ ဒီကသူဌေး တော်တော်များများက သူများဆီကတော့ ရသလောက် ဖျစ်ညှစ်ယူမယ် ကိုယ့်ဘက်ကျတော့ မပေးချင်ဘူး..။ ကျွန်မ သူဌေးကတော့ အဲလို မဟုတ်ဘူး..။ သူက ပေးတယ်.. ။ ဘာလို့ပေးလဲဆို သူများဆီက ပြန်ရချင်လို့ကိုပေးတာ..။ အကျိုးမျှော်ကိုးပြီး ပေးတယ်.ပြောရမှာပေါ့.။ ဒါပေမဲ့ စီးပွားရေးလုပ်တဲ့နေရာ မှာတော့ ဒါက ဖြစ်သင့်တဲ့ ကိစ္စပဲ..။ သူများဆီက များများရဖို့ ကိုယ့်ဘက်က နည်းနည်းတော့ ချွေချပေးရတာပေါ့..။ မဟုတ်ဘူးလား..။ ကျွန်မတို့ မြန်မာစကားမှာတောင် ရှိပါတယ်.. “ထောင်မြင် ရာစွန့်” ဆိုတာ..။ အဲဒီ ကိစ္စကြီးက စီးပွားရေးမှာ ဖြစ်သင့်ပေမဲ့ တခြားအရေးကျတော့ ကျွန်မစိတ်နဲ့ မတွေ့တော့ဘူး...။

ဟိုတစ်နေ့ကပေါ့... ရှားရှားပါးပါး အလုပ်ပါးရက်လေး တစ်ရက်မှာ သူဌေးက ကျွန်မကို ဒီလို စကားစတယ်..။ “ပြီးခဲ့တဲ့ အားလပ်ရက်တုန်းက ငါ့မြေးနဲ့ အတူတူ ရှော့ပ်ပင်းမောလ်တွေ သွားတယ်..။ ခရစ္စမတ်အတွက် သူတို့ ပြင်ဆင်နေကြပြီ..။ ဆိုင်တွေ ဆိုင်တွေက အပြိုင်အဆိုင် မီးဆိုင်းတွေ အလှဆင်ပစ္စည်းတွေနဲ့ ပြင်ကြတာများ လှလိုက်တာ။ အဲဒီမှာ ငါ စဉ်းစားမိတာ တစ်ခုက.. Christmas ဆိုတာ Give away လုပ်တဲ့ အချိန်ပဲလို့..။ အဲဒါနဲ့ third world country က ကလေးတွေအတွက် အလှူခံနေတာ တွေ့တာနဲ့ ငါလဲ အလှူငွေ ထည့်ခဲ့လိုက်တယ်” တဲ့....။ အဲဒီ အထိ ကျွန်မ မလိခကလဲ ငြိမ်ငြိမ်သက်သက်ကို နားထောင်နေတာ... စိတ်ထဲကလဲ အော်.. ကောင်းလိုက်တာ.. ငါလဲ ကြုံရင် လှူဦးမှ.. ပေါ့.. တွေးနေတာ...။ အဲ ..... အဲ့မှာ ဆက်လာတဲ့ စကားက ကျွန်မစိတ်နဲ့ စ မတွေ့တော့တာပဲ...။ ဘာပြောတယ် မှတ်တုန်း.. “ ငါ အဲဒီလှူထားတာလေးကို Company ကနေ ပြန် claim လို့ ရမလား ” တဲ့...။ စိတ်ကို ကုန်ပါရော ဆိုတာ...။ ဘယ်နှယ့်... ကိုယ့်စေတနာလေးနဲ့ကိုယ် လှူတာကို company ကနေ ပြန် claim ချင်ရတယ်လို့..။ ရယ်ချင်စိတ်ပေါက်လာတာများ ဆိုတာလဲ အူထဲအသည်းထဲကနေ လှိုက်ခနဲ လှိုက်ခနဲ ကို နေတာပဲ..။ အားနာတတ်တဲ့ မလိခ ဆိုတော့ ရယ်ချင်စိတ်ကို အတင်း ကျိတ်မှိတ်မြိုသိပ်လိုက်တာ.. မမြိုသိပ်နိုင်တဲ့အဆုံး မျက်နှာမှာ ဘယ်လို အပြုံးကြီး ပေါ်သွားတယ် မသိပါဘူး...။ အဲဒီအပြုံးကို မြင်ပြီးတာနဲ့ သူဌေးလဲ ဘာမှ ဆက်မပြောပဲ ရုံးခန်းထဲကနေ ကျောခိုင်းထွက်သွားတော့တယ်..။ ကျွန်မစားပွဲပေါ်လဲ အလှူခံဖြတ်ပိုင်းလေး ရောက်မလာခဲ့ဘူး...။

အဲဒီအပြုံးကြီး သူ့အာရုံထဲမှာ မေ့သွားတဲ့ အခါကျရင်တော့ ကျွန်မရဲ့ စားပွဲပေါ်ကို အဲဒီအလှူခံဖြတ်ပိုင်းလေး ရောက်လာလေမလားလို့ ....... တွေးမိရင်း...




ပျော်ရွှင်ပါစေ
ခင်တဲ့
မလိခ

Saturday, December 3, 2011

အပြင်လူ

စာရေးဆရာ မင်းလူရေးတဲ့ ဝတ္ထုတို တစ်ပုဒ်ကို သတိရမိတယ်..။ နာမည်တော့ မမှတ်မိတော့ဘူး..။ ကောင်လေးတစ်ယောက်ရဲ့ နေရာကနေ ရေးထားတဲ့ ဇာတ်လမ်းလေး..။ ကောင်လေးကို ကောင်မလေးက ပစ်သွားပြီး ကောင်လေးထက် အစစအရာရာသာတဲ့ လူတစ်ယောက်နဲ့ လက်ထပ်သွားတာကို ကောင်လေးကိုယ်တိုင်က သိပ်ကြီးမခံစားရတော့တဲ့ အချိန်ထိတောင် သူတို့နှစ်ယောက်ပတ်သက်ခဲ့ဖူးတဲ့ ပတ်ဝန်းကျင်က လူတွေက ကောင်မလေးကို မကျေနပ်ဖြစ်နေတုန်း သူ့ကို သနားဂရုဏာသက်နေကြတုန်း....။ အဲလိုမျိုးလေး ဇာတ်လမ်းလေးက...။

ကျွန်မထိတွေ့ဖူးတဲ့ ပတ်ဝန်းကျင်မှာ ဇာတ်လမ်းလေးတစ်ခု ဖြစ်သွားခဲ့တယ်...။ ကျွန်မက အပြင်လူပေါ့...။ ဖခင်က မိသားစုတစ်စုကို စွန့်ခွာသွားခဲ့တယ်..။ ဝတ္ထုတွေ ရုပ်ရှင်တွေမှာ တွေ့နေကျ ဇာတ်လမ်းမျိုးပါပဲ..။ ဒါပေမဲ့ ကျွန်မပတ်ဝန်းကျင်မှာ ဖြစ်သွားတော့ မယုံနိုင်ဘူး ဖြစ်ခဲ့တယ်...။ ကာယကံရှင်တွေမှာ သိပ်ကို ခံစားရမှန်း သိပေမဲ့... ကျွန်မကိုယ်တိုင် trauma ရသွားတယ်..။ ဘယ်လောက်တောင်လဲဆို ကျွန်မ ဖခင်ကို သံသယမျက်လုံးတွေနဲ့ မသိမသာ ကြည့်မိတဲ့ အထိ... ပြီးတော့ ခေါင်းထဲ ခဏခဏ ရောက်လာတဲ့ အတွေးက.. “ ဖေဖေသာ ကျွန်မတို့ကို အဲလိုလုပ်သွားခဲ့ရင်....”။ ကျွန်မနဲ့ သူမ အမြဲ အဆက်အသွယ်ရှိပေမဲ့ အဲ့ဒီအကြောင်းကိုတော့ ဆယ်စုနှစ် တစ်ခုစာလောက် စကားစပ်လို့တောင် မပြောဖြစ်ခဲ့ကြဘူး..။

နှစ်အကြာကြီး တွဲလာတဲ့ သူမနဲ့ သူမချစ်သူတို့ ဘယ်တော့ လက်ထပ်ကြမှာလဲလို့ ကျွန်မမေးလိုက်တော့ သူမက “ငါကြောက်နေတယ်... တော်ကြာ သူက ငါနဲ့ လက်ထပ်ပြီးမှ ဆိုးသွားရင် ဘယ်လိုလုပ်မလဲ” တဲ့..။ သူမ အဖြေက ကျွန်မကိုယ်တိုင်ရင်ထဲက ဖြေဖြစ်နေတဲ့ အဖြေဖြစ်နေခဲ့တယ်...။ နောက် နှစ်နှစ် သုံးနှစ်လောက် အကြာမှာတော့ သူမရော ကျွန်မပါ အိမ်ထောင်ကိုယ်စီပြုခဲ့ကြတယ်..။ သူမနဲ့ ကျွန်မလဲ အကြောင်းကြောင်းတွေကြောင့် အဆက်အသွယ်ပြတ်နေခဲ့တယ်..။ သူမဖခင် သူမတို့နဲ့ အတူတူပြန်လာနေတယ်.. ဆိုတဲ့ သတင်းကြားတော့ ကျွန်မ ကြားထဲကနေ မကျေမနပ်နဲ့ အားမလိုအားမရဖြစ်နေမိတယ်...။

တကယ်တော့ သူမက ခွင့်လွှတ်တတ်တဲ့ အငြှိုးမထားတတ်တဲ့ ဖခင်ကို သိပ်ချစ်တဲ့ သမီးတစ်ယောက်...။ ကျွန်မကရော... ။ ကျွန်မကတော့ ခွင့်လွှတ်တတ်အောင် သင်ယူနေတဲ့ အငြှိုးမကြီးသော်လဲ အမှတ်ကြီးတတ်တဲ့ အပြင်လူတစ်ယောက်ပါ...။

တကယ်လို့များ..... ကျွန်မသာ သူမ နေရာမှာဆိုရင်ရော...ဘယ်လို ဆုံးဖြတ်မှာလဲ...???? ကျွန်မ မသိဘူး...။ ပြောပြီးပါပြီရောလား.... ကျွန်မက ခွင့်လွှတ်တတ်အောင် သင်ယူနေတဲ့ အငြှိုးမကြီးသော်လဲ အမှတ်ကြီးတတ်တဲ့သူပါလို့...။ ဒါပေမဲ့ ကျွန်မလဲ ကျွန်မဖေဖေကို သိပ်ချစ်တယ်.....။




ပျော်ရွှင်ပါစေ
ခင်တဲ့
မလိခ

Friday, December 2, 2011

မှတ်မှတ်ရရ ဒီဇင်ဘာ

တနှစ် တနှစ် ကုန်သွားလိုက်တာကလဲ မြန်လိုက်တာနော်..။ လှစ်ကနဲ လှစ်ကနဲပဲ...။ ဘာလိုလိုနဲ့ ဒီဇင်ဘာတောင် ပြန်ရောက်လာပြီ..။ ကျွန်မရဲ့ အိမ်ထောင်သက်လဲ တနှစ်ပြည့်သွားပြီ..။ (ဘာမှလဲ မဆိုင်ဘူးနော်.. :P)..။ ၂၀၁၁ ကိုပြန်ကြည့်တော့ ကျွန်မရေးခဲ့တာတွေက တနှစ်လုံးမှ ၅ပို့စ်ပဲ ရှိတယ်။ အော် တော်တော်လက်နှေးတဲ့ ငါပါလား.. လို့..။ တကယ်က ရေးချင်တာတွေက အများကြီးရယ်.. လက်က မလိုက်နိုင်တာ..။ စိတ်သွားတိုင်း ကိုယ်မပါ ဖြစ်နေတယ် ဆိုပါတော့.. :D..( အပျင်းကြီးနေလို့ပါ လို့ ပြောရင် လူကြားမကောင်းဘူးလေ.. ဟုတ်တယ်ဟုတ်..:D)

ဒီဇင်ဘာဆို မြန်မာပြည်ကိုလွမ်းတယ်..။ သန်လျင်က ကျောင်းတော်ကြီးကိုလွမ်းတယ်...။ ဒီချိန်ဆို ကျွန်မတို့ကျောင်းက လယ်ကွင်းတွေထဲ ပက်ကြားအက်တွေကြားထဲကနေ ပုလဲပန်းလေးတွေ ပေါက်နေလောက်ပြီ..။ နေရောင် နွေးနွေးအောက်မှာ လေအေးအေးတချက်တိုက်လိုက်တိုင်း ပန်းလေးတွေယိမ်းထိုးသွားတာကို ကြည့်ရတာက လွမ်းစရာ..။ ဒီလိုရာသီဆို အတန်းတချိန်နဲ့ တချိန်ကြားမှာ လယ်ကွင်းတွေ အစပ်က ဘုရားလေးနားကို ကျွန်မရောက်လာတတ်ပြီ..။

ကျွန်မတို့ကျောင်းက ဒီဇင်ဘာဆို အလှဆုံးပဲ..။ အိမ်က ထည့်ပေးလိုက်တဲ့ ထမင်းချိုင့်ကလဲ နေ့လည်ထမင်းစားချိန်ဆို အေးစက်နေပြီ...။ အနန္တမေတ္တာဆိုင်မှာ ထိုင်ပြီး ဟင်းရည်ပူပူတပွဲကို အားလုံးရှယ်ပြီး မှာ... ကိုယ့်ချိုင့်သူ့ချိုင့်ထဲက ဟင်းတွေ ဖလှယ်စား.. တော်တော်ပျော်စရာကောင်းခဲ့တာ..။ ပြီးရင် ပေါက်ကရတွေပြော ရယ်ကြ ဟားကြ..။ တချို့ရယ်စရာတွေက ကျွန်မတို့အချင်းချင်း အပြင်မှာ ပြောရင်သာ ရယ်ရတာ.. စာလုံးတွေ အဖြစ်ပြောင်းဖို့ကျတော့ အဲလောက် ရယ်စရာကောင်းချင်မှ ကောင်းတော့မှာ..။ တယောက်တခွန်း တယောက် တပေါက် ပြောချင်ရာတွေ ပြော...။ ခုလဲ အိမ်မှာ ကျွန်မရယ် မှင်စာရယ် ကျောင်းတုန်းက အဖြစ်တွေ ပြောပြီး ရယ်လို့မဆုံးနိုင်တုန်း..။ မှင်စာ့အိမ်ဦးနတ် စာပေဗိမာန် ကဆို ကျွန်မတို့ နှစ်ယောက်ကို ကြည့်ပြီး တရားရသလို ခေါင်းတခါခါနဲ့ နင်တို့နှစ်ယောက်ဟာလေ အသက်လဲ ကြီးပြီ ခုထိပေါတုန်းလို့... အားရင် အားသလို နှိပ်ကွပ်တတ်သေးတယ်..။ ကျွန်မတို့နှစ်ယောက်ကတော့ သူ့ကို အဖိုးအိုပေါက်စလို့ ပြန်ကင်ပွန်းတပ်ထားတယ်..။ သူက သူ့ကိုယ်သူ ငယ်သူငယ်ချင်းတွေနဲ့ဆုံရင် အရင်ကအကြောင်းတွေ ပြန်ပြောပြီး ဟီလာတိုက်ဖို့ မသင့်တော့တဲ့ အရွယ်လို့ ထင်နေတာလေ..။ ခက်တာက တအိမ်ထဲ နေကြတာဆိုတော့ အားလို့ မျက်နှာချင်းဆိုင်မိတိုင်း ကျွန်မနဲ့ မှင်စာက ဟီးဟီးဟားဟားတွေပြော... သူက ကျွန်မတို့နှစ်ယောက်ကိုကြည့်ပြီး စိတ်တွေလေ... ။ တနေ့ တနေ့ အဲလို...။

မှတ်မိသေးတယ်...။ second year တက်နေတုန်းကထင်တယ်..။ နိုဝင်ဘာလကုန်ပိုင်းတစ်ရက်မှာ သတင်းစာထဲကလား စာအုပ်တစ်အုပ်ထဲကလားမသိဘူး.. ဒီဇင်ဘာ ၁ရက်နေ့က world AIDS day ဆိုတာ ကျွန်မ သိလိုက်တယ်..။ အဲတာ ကျန်တဲ့ လူတွေနဲ့ တိုင်ပင်လိုက်တော့ ကျောင်းမလာတဲ့ မျိုးကြီး ခံရဖို့ဖြစ်လာတော့တာပဲ..။ ကျွန်မတို့ ကဒ်လှလှလေး တစ်ကဒ်ရှာဝယ်ကြတယ်...။ ကဒ်က နေမကောင်းလာတဲ့ သူ နေပြန်ကောင်းလာဖို့ အားပေးတဲ့ ကဒ်မျိုး..။ စာသားလှလှလေးတွေနဲ့ get well soon ဘာညာပေါ့ပါတယ်..။ အဲဒီကဒ်ကို ကျွန်မတို့က ထပ်ဖြည့်ပြီး ရေးကြတယ်... “ မျိုးကြီး... ဘာပဲဖြစ်ဖြစ် ဘဝကို အရှုံးမပေးပါနဲ့..။ နင့်ဘေးမှာ ငါတို့ရှိနေမှာပါ..” အဲလို ဆန်ဆန်စာသားမျိုး ရေးပြီး အောက်မှာ ကျန်တဲ့ ခြောက်ယောက်လုံး လက်မှတ်တွေ ထိုးထားကြတယ်..။ နောက်နေ့ ၁ရက်နေ့ကျတော့ ကျွန်မတို့ ခြောက်ရောက်လုံး ကျူရှင်မှာ အဆင်သင့်ဖြစ်နေပြီ..။ စပ်ဖြီးဖြီးမျက်နှာတွေကို ညှိုးညှိုးငယ်ငယ်ဖြစ်အောင်လဲ မနည်း ကြိုးစားထားကြတယ်..။ မျိုးကြီးလဲ ရောက်လာရော ထုံးစံအတိုင်း ဟီးဟီးဟားဟားပေါ့...။ တစ်ယောက်က ကဒ်ကလေး ပေးလိုက်တော့ သူကပျော်နေတယ်..။ ကျွန်မတို့ မြန်မာလိုရေးထားတဲ့ စာကို ဖတ်ကြည့်တော့ သူက.. သဘောတွေကျနေတယ်..။ သူ့ကို အားပေးထားတယ်ပေါ့..။ ကျွန်မတို့ကလဲ .. ဘေးနားကနေ စိတ်မကောင်းတဲ့ ရုပ်တွေနဲ့ သူ့ကျောကို သပ်တဲ့သူကသပ်..။ လက်ဖဝါးတွေကို ဆုပ်ကိုင်ထားတဲ့သူက ကိုင်နဲ့..။ အက်တင် အပြည့်ပေါ့..။ သူကတော့ မသိဘူး.. ကဒ်ရလို့ပျော်ပြီး သူ့အရှိန်နဲ့သူ လိမ့်နေတယ်..။ သူပျော်ပေမဲ့ ထူးထူးခြားခြားကြီး အားလုံးက ငြိမ်နေကြတော့ သူနည်းနည်း မသင်္ကာဖြစ်လာတယ်..။ အဲ့မှာ တစ်ယောက်က “ မျိုးကြီး ဒီနေ့ဘာနေ့လဲ သိလား” ဆိုတော့.. သူက ဇဝေဇဝါနဲ့...။ “ ဒီနေ့ World AIDS Day ဟ..။ စိတ်မကောင်းမဖြစ်ပါနဲ့..မျိုးကြီးရာ။ ငါတို့ နင့်ကို မပစ်ထားပါဘူး..အရင်လိုပဲ ခေါ်ပြောမှာပါ။ အားမငယ်နဲ့နော်” လို့လဲ ပြောလိုက်ရော... မျိုးကြီးခမျာ စိတ်ဆိုးရလဲခက် ရယ်လဲ ရယ်ချင်နဲ့ ပါးစပ်ကတော့ အယုတ်မာတွေ အကျင့်ပုတ်တွေစသဖြင့်... နာမည်ကို စုံသွားတာပဲ..။

ခုတော့လဲ တနိုင်ငံစီလဲဝေး... ပြီးတော့ ကိုယ့်အလုပ်တွေ ကိုယ့်ဗာဟီရတွေနဲ့ကိုယ်ဆိုတော့ မတွေ့ဖြစ်ကြတော့ဘူး..။ ဒါပေမဲ့ မှင်စာနဲ့ ကျွန်မကတော့ အားလို့ စကားစပ်မိတိုင်း အဲဒီနေ့လေးအကြောင်းကို သတိတရ ပြောပြီး ရယ်တတ်ကြတယ်..။ မျိုးကြီးဆီမှာ အဲဒီကဒ်လေးရှိသေးလား မရှိတော့ဘူးလား မသေချာပေမဲ့ ကျွန်မတို့ ရင်ထဲမှာတော့ မှတ်မှတ်ရရ ပျော်စရာကောင်းခဲ့ရတဲ့ ဒီဇင်ဘာရဲ့ ပထမဆုံးနေ့လေးက အမြဲ ရှိနေခဲ့တယ်..။




ပျော်ရွှင်ပါစေ
ခင်တဲ့
မလိခ

Saturday, September 3, 2011

တစ်ချိန်တုန်းက ၃

ကျောင်းအကြောင်းသတိရရင်.. မဖြစ်မနေသတိရမိတာက သူငယ်ချင်းတွေ..။ တစ်နေရာစီ တစ်နိုင်ငံစီ.. ဘယ်လိုပဲဝေးဝေး... ခံယူချက်တွေ ဦးတည်ချက်တွေ ဘယ်လိုပဲ ဆန့်ကျင် ဆန့်ကျင် .. ကျွန်မတို့တူတူ မျှဝေခဲ့ကြတဲ့ ဂျီတီစီနေ့ရက်တွေကတော့.. ဘယ်တော့မှ မမေ့နိုင်မဲ့ အမှတ်တရတွေပါပဲ..။ အဲဒီနေ့ရက်တွေထဲမှာ ကျွန်မတို့ ရယ်မောခဲ့ကြတယ်.. ပျော်ရွှင်ခဲ့ကြတယ်.. ဗရုတ်သုတ်ခတွေလုပ်ခဲ့ကြတယ်.. ပေါက်ကရတွေ ပြောခဲ့ကြတယ်.. ဘာမဟုတ်တာတွေကို ငြင်းခုံခဲ့ကြတယ်.. စိတ်ဆိုးခဲ့ကြတယ်.. ရန်ဖြစ်ခဲ့ကြတယ်.. ငိုခဲ့ကြတယ်.. တစ်ယောက်နဲ့တစ်ယောက် မရယ်ရွယ်ပါပဲ နာကျင်စေခဲ့ကြတယ်..။ ဘယ်လိုတွေပဲဖြစ်ခဲ့ဖြစ်ခဲ့ ကျွန်မတို့ရဲ့ မှတ်ဥာဏ်တွေမှာ အလွယ်တကူမှတ်မိနေခဲ့တာက အတူတူပျော်ရွှင်ခဲ့ကြတဲ့ အချိန်တွေ..။ သူငယ်ချင်းတွေဆုံတိုင်း ပြန်ပြောမိတာက ရယ်မောခဲ့ကြတဲ့ အဖြစ်တွေ..။


ကျွန်မကို ပထမဆုံးကျောင်းအပ်နဲ့နေ့မှာ မေမေနဲ့ဖေဖေက လိုက်ပို့တယ်..။ ကျောင်းရောက်တော့ မေမေတို့ မိတ်ဆွေနဲ့ သူ့သမီးကို တွေ့တယ်..။ တိုက်တိုက်ဆိုင်ဆိုင်ပဲ အဲဒီကောင်မလေးကလဲ ကျွန်မနဲ့ မေဂျာတူနေတယ်..။ လူငယ်ဆိုတော့လဲ စကားတစ်ခွန်း နှစ်ခွန်းလောက်ပြော ပြုံးပြနှုတ်ဆက်နဲ့တင်.. သူနဲ့ကျွန်မ ခင်မင်သွားတယ်..။ နောက် icebreaker လုပ်ချင်တဲ့ ကျွန်မက ဘာမှ စကားဆက်မပြောပဲ ပြုံးနေတဲ့ သူ့ကို ကျောင်းတပတ် ပတ်ကြည့်ရအောင်လို့.. ဆွယ်လိုက်တယ်..။ သူကလဲ နှစ်ခါဆွယ်စရာ မလိုတဲ့ သူမျိုး...။ ဒါနဲ့ ကျွန်မတို့ နှစ်ယောက် အဲဒီ ကျောင်းဆောင် တပတ် ပတ်ကြည့်ကြတယ်.. (သိပ်အဝေးကြီးတော့လဲ မသွားရဲဘူးလေ... မရင်းနှီးတဲ့နေရာဆိုတော့)..။ သတိထားမိတာက.. ကျွန်မတို့ တရပ်ကျော်လောက်ရှိတဲ့ မြက်ပင်ရှည်တွေက ကျောင်းပတ်ပတ်လည် ဝိုင်းနေတယ်..။ ဟိုးခပ်လှမ်းလှမ်းမှာ နှစ်ထပ်ဆောင်ကြီး တစ်ဆောင်... လမ်းဟိုဘက်မှာ တိုက်ဝါဝါပုပုလေးတစ်ခု.. (နောက်တော့မှ အဲဒီတိုက်ပုလေးက ကျွန်မတို့ရဲ့ department ဖြစ်နေမှန်းသိရတယ်..). ဒါပဲ ...။ အဆောက်အဦးဆိုလို ကျွန်မတို့မြင်ရတာ ဒီနှစ်ခုပဲ..။ ကျန်တာက မြက်ပင်ရှည်တွေ...။ အူကြောင်ကြား ကျွန်မတို့ နှစ်ယောက် ဟိုကြည့်ဒီကြည့် ကြည့်နေတုန်း.... အဲဒီမြက်ပင်ရှည်ရှည် ခြုံတွေကြားကနေ... အစ်ကိုကြီးတစ်ယောက်နဲ့ အစ်မကြီးတစ်ယောက် ထွက်လာတယ်..။ ကျွန်မတို့လဲ.. တစ်ယောက်ကိုတစ်ယောက် လက်ကုပ်ရင်း .. မျက်စတွေပစ်ရင်း... ဟယ် ဘာတွေတုန်း... ရှက်စရာတွေလား...အို....။ ဘာညာ စသည်ဖြင့်.. လျှောက်တွေးရင်း... အဲဒီနေရာက မြန်မြန်လစ်လာခဲ့တယ်..။ ကျွန်မရဲ့ ဂျီတီစီနေ့ရက်တွေထဲမှာ သူမက ကျွန်မရဲ့ပထမဆုံးသူငယ်ချင်း ဖြစ်လာတယ်..။ ကျွန်မတို့ တွဲဖြစ်တဲ့ ခုနှစ်ယောက် အဖွဲ့မှာ သူမက အကောင်အသေးဆုံးမို့..ကျွန်မတို့က သူမကို တခါတခါ မှင်စာ လို့ ခေါ်တယ်..။

ကျောင်းစတက်ရတဲ့ နေ့မှာတော့.. ကျွန်မရယ် မှင်စာရယ် ဇာမဏီဆိုတဲ့ သူငယ်ချင်းရယ် (ဇာမဏီက ကွန်ပျူတာက .. ကျွန်မတို့ကျောင်းစဖွင့်ချိန် သူမကျောင်းက မဖွင့်သေးတာကြောင့် သူမက ကျွန်မကျောင်းကို လိုက်လည်ပါတယ်.. ဆတ်ဆတ်ဆော့ဆော့လေ.. ဝါသနာကြီးကြတာကိုးး. :P). မှင်စာ့ဦးလေးကားနဲ့ ကျောင်းကိုရောက်လာတယ်..။ ကျောင်းထဲဝင်တော့ အမြင်ဆန်းနေတယ်လို့ ထင်မိတာ... ဟိုနေ့က ကျွန်မတို့ တွေ့ခဲ့တဲ့.ကျောင်းသားရေးရာ ပတ်ပတ်လည်က မြက်ပင် ရှည်ရှည်တွေ မရှိတော့ပဲ ရှင်းလင်းနေတယ်..။ မြက်ပင်တွေ မရှိတော့မှပဲ... ကျောင်းသားရေးရာ တည်ရာထက် မြေအနိမ့်ပိုင်းမှာ ရှိနေတဲ့... တစ်ထပ်တိုက် အဆောင်တွေ တသီတတန်း ကို တမျှော်တခေါ် လှမ်းတွေ့လိုက်ရတော့တယ်...။ အဲဒီတော့မှ .. ကျောင်းလာအပ်တဲ့နေ့က ခြုံထဲက ထွက်လာတဲ့ နှစ်ယောက်ကို တွေးမိပြီး အားလုံးသဘောပေါက်သွားတယ်...။ အော် ငါတို့လဲ သူတို့လို ခြုံတိုးရတော့တာပါပဲလို့.... (အဲဒီတစ်ထပ်တိုက် စာသင်ဆောင်တွေကြားမှာက မြက်ပင်ရှည်တွေ ရှိနေသေးတုန်းပဲလေ..)။

ပထမဆုံးစာသင်ချိန်က ရိုးကောလ်ခေါ်တာ နာမည်စာရင်းနဲ့ လူနဲ့တိုက်စစ်တာနဲ့တင် ပြီးသွားတယ်..။ ကျွန်မတို့ သုံးယောက်လဲ အသိအကျွမ်းများတွေ့လေမလား ဟိုကြည့် ဒီကြည့်ပေါ့...။ အဲဒီချိန် ကျွန်မတို့စာသင်ခန်းဘေးက ဖြတ်သွားတဲ့.. ရှပ်အင်္ကျီ အနက်ရောင် နေကာမျက်မှန်နဲ့ ကောင်လေး.. (အသက်အရွယ် အရသာ ကောင်လေးလို့ ပြောရတယ်.. သူက လူကောင်ခပ်ကြီးကြီးမို့ ကောင်ကြီး ဆိုရင် ပိုမှန်မလားပဲ.. :P).။ သူ့ကို မြင်မြင်ချင်း ကျွန်မ သိလိုက်တယ်..။ ကျွန်မနဲ့ အထက်တန်းကျောင်းမှာတုန်းက တစ်ခန်းတည်း အတန်းဖော်ကောင်လေး ။ သူ့ကိုက နာမည်သိရုံ မျက်မှန်းတန်းမိရုံလောက်သာသိတာ....။ ဒါပေမဲ့လည်း.. သိတယ်မလား.. လုံးဝမသိတဲ့လူတွေကြားထဲမှာ နည်းနည်းလောက်သိတဲ့သူပါတော့ အားတက်သွားမိတယ်..။ (နေကာမျက်မှန်းကြီး ပြူးတူးပြဲတဲနဲ့ ပဲများလွန်းလိုက်တာ လို့ အဲဒီတုန်းက မျက်မုန်းကျိုးမိတာကိုတော့ ခုထိ ကျွန်မသူ့ကို မပြောဖြစ်ခဲ့ဘူး... :D)။ ဖြစ်ချင်တော့ သူကလဲ ကျွန်မတို့နဲ့ မေဂျာတူတူပဲ..။ အခန်းထဲဝင်လာတော့.. သူက ကျွန်မကို မှတ်မိပြီး.. ပြုံးပြနှုတ်ဆက်တယ်။ ဆိုးတာတစ်ခုက... “ ဟာ.. ငါနင့်ကို သိတယ်... နင့်နာမည်က ဘယ်သူ..... ” ဆိုပြီး..ရပ်သွားတယ်...။ ကျွန်မလဲ နည်းနည်းတော့ အောင့်သက်သက် ဖြစ်သွားပေမဲ့... စိတ်ရှည်သည်းခံတဲ့ မလိခဆိုတော့ ကြည်ကြည်သာသာပဲ ကျွန်မနာမည်ပြောလိုက်တော့ သူမှတ်မိသွားပါတယ်..။ ဒါပေမဲ့ ပထမဆုံးကျောင်းတက်ရတဲ့ အဲဒီရက်မှာ သူက ပဲများစွာနဲ့ ခပ်လှမ်းလှမ်းက ယောင်္ကျားလေးတစ်အုပ်နဲ့ သွားရောထိုင်နေတယ်..။ နောက်ပိုင်း ခင်သွားကြတော့ သူ့ကို ကျွန်မတို့က အာတာလွတ်မြို့စားကြီး လို့ ကင်ပွန်းတပ်ထားပေးတယ်..။ သူကလဲ တကယ်ပဲ တူရှာတယ်...။ :P..။ သူက ကျွန်မရဲ့ ဒုတိယမြောက် သူငယ်ချင်းပေါ့..။

နောက်နေ့တွေမှာတော့ ဇာမဏီလဲ ဝေးလံလှတဲ့ ကျွန်မတို့ကျောင်းကို အပင်ပန်းခံမလိုက်တော့ဘူး...။ ကျွန်မနဲ့ မှင်စာနဲ့ပဲ.. တတွဲတွဲ အတန်းတွေလိုက်တက်ရတာပေါ့..။ အာတာလွတ်မြို့စားကတော့ အဲဒီတုန်းက သိပ်လဲ မခင်သေးတော့ သူကျောင်းလာတက်သလား မတက်သလားဆိုတာကိုတောင် ကျွန်မတို့ သတိမထားမိခဲ့ကြဘူး...။ ကျောင်းစစတက်ချင်း ဆိုတော့ ကျွန်မနဲ့မှင်စာက လိမ္မာရေးခြားရှိစွာ.. ရှေ့ဆုံးတန်းတွေမှာ ထိုင်တယ်.။ ဆရာမက စာမေးလို့ရတဲ့ဟာဆို တက်တက်ကြွကြွ ဖြေတယ်.။ ကျောင်းတက်ပြီး သုံးလေးရက်လောက်မှာပေါ့...။ နေ့လည်ထမင်းစားပြီးလို့.. ကျွန်မတို့နှစ်ယောက် ရှေ့ဆုံးတန်းကနေထိုင်ပြီး တစ်တန်းလုံးကို ကြည့်ရင်း ထုံးစံအတိုင်း အရည်မရ အဖတ်မရ ပွားနေကြတုန်း.. အသားညိုညိုနဲ့ ကောင်မလေးတစ်ယောက် ကျွန်မတို့နားရောက်လာတယ်..။ ကဒ်လေး တစ်ကတ်ကိုလဲ ကျွန်မတို့ဘက်ကို ထိုးပေးရင်း သူ့နာမည်ကို မိတ်ဆက်တယ်..။ ကျွန်မတို့နှစ်ယောက်လဲ ပါးစပ်လေးတွေ အဟောင်းသားနဲ့ အံ့သြလို့ပေါ့...။ ၁၆ နှစ် ၁၇ နှစ် ဒီအရွယ်နဲ့ သူက visiting card ပေးပြီး မိတ်ဆက်တာကိုး.. မအံ့သြ ဘယ်သူခံနိုင်မှာလဲလို့... နော့..။ သူက ကျွန်မရဲ့ တတိယမြောက်သူငယ်ချင်း ဖြစ်လာခဲ့တဲ့ နောက်ပိုင်းမှာတော့ ကျွန်မတို့က သူ့ကို မျိုးကြီး.. လို့ခေါ်တယ်..။ အဲဒီနေ့ကတော့ သူအဲသလို လာမိတ်ဆက်တော့မှ သတိထားမိတယ်... သူနဲ့ ကျွန်မက ကိုးတန်းထိ တစ်ကျောင်းတည်း ။ အခန်းတော့ မတူဘူးဆိုတော့ အရင်နေ့တွေက သတိမထားမိလိုက်တာ ..။ တိုက်ဆိုင်ချင်တော့ မျိုးကြီးက ကျွန်မတို့ကျောင်းမှာ ကိုးတန်းထိနေပြီး ဆယ်တန်းမှာတော့ မှင်စာတို့ကျောင်းကို ပြောင်းသွားခဲ့တယ်တဲ့...။ ပြီးတော့ မှင်စာနဲ့ ဆယ်တန်းမှာ တခန်းတည်းပါတဲ့..။ ကဲ ဘယ်လောက်တောင် တိုက်ဆိုင်လိုက်သလဲလို့..။ အဲဒီလိုနဲ့ သူက ကျွန်မရော မှင်စာရောနဲ့ သိတဲ့.. ကျွန်မရဲ့ တတိယမြောင်သူငယ်ချင်းဖြစ်လာတယ်...။

နောက်တစ်နေ့... ပထမဆုံးအချိန် ရိုးကောလ်ခေါ်နေတုန်း... ဘယ်လိုမှ မထင်မှတ်ထားတာ တစ်ခုဖြစ်သွားတယ်..။ ကောင်လေးတစ်ယောက်နာမည်ကို ခေါ်လိုက်တဲ့အချိန်မှာပဲ... ကျွန်မတို့ ထိုင်ခုံတန်းရဲ့ ဘေးဘက် လျှောက်လမ်းခြားထားတဲ့ ဟိုဘက်ခုံတန်းမှာ တစ်ယောက်တည်းထိုင်နေတဲ့.. ကောင်လေးက သူ့ခြေထောက်နားက အိပ်နေတဲ့ ခွေးကို မတော်တဆတက်နင်းမိတယ်... (ကျွန်မတို့ကျောင်းမှာက ခွေးတွေရော နွားတွေရော စာသင်ခန်းထဲကို ဝင်ဝင်လာတတ်လို့ မောင်းမောင်းထုတ်ရတတ်တယ်..).။ အဲဒီတော့... ဆရာမက “xxx” ဆိုပြီး ကောင်လေးနာမည်ကိုခေါ်လိုက်တဲ့အချိန်... ဟိုတက်နင်းခံရတဲ့ ခွေးက အလန့်တကြား “ကိန်” လို့အော်တဲ့ အချိန်.. အားလုံးကကွက်တိ တိုင်ပင်ကိုက်ထားသလို ဖြစ်သွားတယ်..။ ဆရာမနာမည်ခေါ်တာကိုပဲ ကိန် လို့ပြန်ထူးသလိုလို ဘာလိုလိုပေါ့...။ ဖြစ်ချင်တော့ အဲဒီခွေးကို တက်နင်းတဲ့ ကောင်လေးက ဆရာမခေါ်လိုက်တဲ့နာမည်ပိုင်ရှင်ဖြစ်နေတယ်..။ နောက် တိုက်ဆိုင်လွန်းပြန်တာက... သူက မျိုးကြီးရဲ့ သူငယ်ချင်းဖြစ်နေတယ်..။ ဒီလိုနဲ့ပဲ အဲဒီကောင်လေးက ကျွန်မရဲ့ စတုတ္ထမြောက် သူငယ်ချင်းဖြစ်လာတယ်..။ ခုထက်ထိတောင် သူငယ်ချင်းတွေ စုံလို့ ကျောင်းအကြောင်း သတိတရ ပြောဖြစ်ရင်.. သူ့နာမည်နဲ့တွဲပြီး နောက်မှ ကိန် ဆိုတာလေး ထည့်ခေါ်ရတာက မဟောင်းနိုင်တဲ့ ဟာသတစ်ခု။ . ခုတွေးရင် ခုရယ်ချင်တယ်... “xxx ကိန်” တဲ့..။ :P..။ ဒါပေမဲ့ သူ့ကိုတော့ ကျွန်မတို့က “ကလေးသားလေး” လို့ခေါ်တယ်...။ သိတယ်မလား.. မွန်ပြည်နယ်ဖက်မှာ.. ဇွန်းသေးသေးလေးဆို ဇွန်းသားလေး..။ ဖျာသေးသေးလေးဆို ဖျာသားလေးလို့ ခေါ်တာလေ..။ အဲဒီလိုပဲ သူ့ရုပ်က ကလေးရုပ်မို့ မွန်ဆရာမတစ်ယောက်က အမှတ်တမဲ့ခေါ်လိုက်ရာကနေ ကျွန်မတို့ပါ စခေါ်ဖြစ်သွားတာ...။ အဲဒီတုန်းက “xxxကိန်” လို့တော့ မခေါ်ဖြစ်ခဲ့ဘူး... ခေါ်ဖြစ်ရင် သူက ကျွန်မတို့ တဖွဲ့လုံးကို စိတ်ကောက်သွားနိုင်တယ်... သူက စိတ်ဆိုးစိတ်ကောက်လွယ်တယ်လေ။ အဲဒီတုန်းကပြောပါတယ်.. :P...။

ကျွန်မရဲ့ ပဉ္စမမြောက် သူငယ်ချင်းကိုတော့ တတိယမြောက်သူငယ်ချင်း အာတာလွတ်မြို့စားကြီးက ခေါ်လာ မိတ်ဆက်ပေးခဲ့တယ်..။ သူ့ကိုတော့ မြင်မြင်ချင်း စာအုပ်ဖွင့်ထားတဲ့ ပုံနဲ့ စာပေဗိမာန် အမှတ်တံဆိပ်ကို ပြေးမြင်မိတာကြောင့် ကျွန်မတို့က နာမည်ပြောင် “စာပေဗိမာန်” လို့ ခေါ်လေရဲ့... ။ တကယ်က သူက အဲဒီတုန်းက ခေတ်စားတဲ့ အလယ်ခွဲဆံပင်ထားထားတာ...။ သူက ကျွန်မတို့ သန်လျင်ကျောင်းမှာ သူလိုချင်တဲ့ မေဂျာမရလို့ မှော်ဘီဂျီတီစီမှာ တစ်ပတ်လောက် EC လား MC လားမသိဘူး သွားတက်လိုက်သေးတယ်တဲ့...။ သူက တခါတခါနောက်တတ်တယ်.. “ငါ့ဘာသာငါ မှော်ဘီမှာပဲ တက်နေလိုက်ရင်ကောင်းသားဟာ.. သန်လျင်ကို ပြောင်းလာမိတာ ငါမှားတာ” ဆိုပြီး.. ကျွန်မတို့နဲ့ အပေါင်းအသင်းဖြစ်ရတာ မှားလေခြင်းဆိုပြီး နောက်တတ်တယ်..။ အဲဒီခါမျိုးကျရင်.. ကျွန်မတို့က ကက်ကက်လန်အောင် စွာတော့တာပဲ.. ။ “နင့်ဘဝကြီး ဒီလောက် ပျော်စရာကောင်းနေတာ ငါတို့လို သူငယ်ချင်းမျိုးတွေနဲ့ ဆုံဆည်းခွင့်ရလို့လို့ မှတ်” ဘာညာပေါ့...။ ဘဝနဲ့ကို ချီပြီး ပြောပြလိုက်တယ်...။ (ပိုပြောစရာရှိတာက ခုဆို သူက မှင်စာရဲ့ အိမ်ဦးနတ်ဖြစ်နေပြီလေ..)။ ပြီးတော့ ဒင်းက “နင့်ခြေထောက်မှာ စပရိန်တပ်ထားသလား” လို့ ကျွန်မတို့နောက်ရလောက်အောင် မြှောက်ကြွ မြှောက်ကြွလဲ လျှောက်တတ်သေးတယ်..။

ကျွန်မတို့ ကျောင်းတွေဖွင့်ပြီး တစ်လလောက်မှာ မေဂျာပေါင်းစုံ ဘောလုံးပွဲလုပ်ကြတယ်...။ ကျွန်မတို့မေဂျာက မိန်းကလေးများတဲ့ မေဂျာဆိုတော့.. ကျွန်မတို့ သူငယ်ချင်းယောင်္ကျားလေး သုံးယောက်ကလဲ တတပ်တအား ပါဝင်ရတော့တာပေါ့..။ အာတာလွတ်မြို့စားနဲ့ စာပေဗိမာန်က ဘောလုံးဝင်ကန်တယ်..။ ကလေးသားလေးက ဝင်မကန်တော့ သူက တောက်တိုမယ်ရပေါ့...။ တကယ်က သူတင်မဟုတ်ပါဘူး.. သူတို့ကို အပေါင်းအသင်းလုပ်မိတဲ့ ကျွန်မတို့မိန်းကလေးသုံးယောက်ပါ တောက်တိုမယ်ရ ဖြစ်ကုန်တယ်...။ ကျွန်မတို့မေဂျာ ဘောလုံးပွဲရှိတဲ့ နေ့များဆို သူတို့ လွယ်အိတ်တွေ ကျောပိုးအိတ်တွေကို တနေရာက တနေရာ ပြောင်းရတိုင်း ကျွန်မတို့မှာ သယ်ပေးရတာ ကူလီလုံးလုံးကို ဖြစ်လို့...။သူတို့ကတော့ အားကစားသမားတွေမို့ ဆိုပြီး အခွင့်ထူးခံဖြစ်သွားတယ်လေ..။ အော် .. ပြောရဦးမယ်.. အဲဒီအချိန်မှာ တခြားလူတွေက ဆရာမတွေကို လက်သွက်သွက်နဲ့ ညှိုနှိုင်းပြီး ကျူရှင်တွေ ဝိုင်းနေကြပြီ...။ ကျွန်မတို့ခြောက်ယောက်မှာတော့.. နေရာအဆင်မပြေတာရယ်... ဆရာမတွေနဲ့ သိပ်ရောရောနှောနှောမရှိတာရယ်ကြောင့် ... ကျူရှင်လက်မဲ့ဖြစ်နေချိန်ပေါ့...။ တနေ့ ကျွန်မတို့ မေဂျာနဲ့ တခြားမေဂျာ ဘောလုံးပွဲရှိတဲ့နေ့ပေါ့....။ ဆရာမတွေကလဲ အဲ့နေ့ကို စောဆင်းပေးတော့ ညနေဘက် အတန်းချိန်တွေမရှိဘူး..။ ကစားသမားတွေကလဲ ကစားမယ့်အချိန်ကို စောင့်နေကြတယ်..။ အဲ့ဒီချိန်မှာ.. လွန်ခဲ့တဲ့ တစ်လလုံးလုံး တခါမှ မမြင်ဘူးခဲ့တဲ့... တရုတ်မချောချောလေးတစ်ယောက် ကျွန်မတို့ မိန်းကလေးသုံးယောက်ထိုင်တဲ့နားကို ရောက်လာတယ်..။ သူမက အဝါရောင် မှာ အနက်ရောင် polka dot တွေပါတဲ့ ဝမ်းဆက်နဲ့ နှုတ်ခမ်းနီကိုလဲ နီရဲနေအောင်ဆိုးထားတယ်..။ မျက်နှာထားကတော့ ခပ်တည်တည်...(စူပုပ်ပုပ်လေးလို့ ပြောရင် ပိုမှန်မယ်ထင်တယ်)..။ “နင်တို့ ကျူရှင် မဝိုင်းရသေးဘူးဆို.. ငါနဲ့ ဝိုင်းမလား.. ငါ့အိမ်မှာ ဝိုင်းလို့ရတယ်”... တဲ့..။ ကျွန်မတို့မှာ ရေငတ်တုန်း ရေတွင်းထဲကျပေါ့...။ ဝမ်းသာအားရနဲ့ ခေါင်းညိတ်လိုက်ကြတယ်...။ အဲဒီနှုတ်ခမ်းနီရဲရဲ နဲ့ ကောင်မလေးက ကျွန်မတို့ ကျူရှင်ဝိုင်းရှင် ဖြစ်လာသလို... ကျွန်မတို့မေဂျာရဲ့ တရားမဝင် ကွင်း လဲဖြစ်လာတယ်. (တရားမဝင်ဆိုတာက တရားဝင် fresher welcome လုပ်ပြီး မရွေးလိုက်ရလို့ပါ..။ ကျွန်မတို့နှစ်မှာ fresher welcome လုပ်ခွင့်ပိတ်ခံရတယ်လေ... :{...)....။ အဲဒါအပြင်... ကျွန်မတို့ အဖွဲ့ရဲ့ နောက်ဆုံးအဖွဲ့ဝင် ကျွန်မရဲ့ ဆဌမမြောက်သူငယ်ချင်းလဲ ဖြစ်လာခဲ့တယ်...။

ကဲ... ခွန်နှစ်ယောက်အဖွဲ့ ဖြစ်လာပုံတွေလဲ စုံသွားပြီ...။ ပေါက်ကရတွေဖြစ်... ရယ်ကြ မောကြရတာတွေကိုတော့.. ... ဆက်ရန် ပေါ့
တစ်ချိန်တုန်းက... , တစ်ချိန်တုန်းက ၂

ပျော်ရွှင်ပါစေ
ခင်တဲ့
မလိခ

Friday, May 20, 2011

ဒီတစ်ခေါက်...

မနှစ်က နှစ်ကုန်ပိုင်းလောက်မှာပဲ... ဒီနိုင်ငံမှာ မလိခမင်္ဂလာဆောင်လိုက်ပါတယ်..။ မိဘဆွေမျိုးတွေရဲ့ တောင်းဆိုမှုကြောင့် ဒီနှစ် နှစ်ဆန်းပိုင်းလောက်မှာ ရန်ကုန်မှာပြန်ပြီး မင်္ဂလာဧည့်ခံပွဲလေး လုပ်ဖြစ်တယ်..။ တော်တော်တော့ ပင်ပန်းသွားတယ်..။ ရန်ကုန်က လူကြီးတွေစိတ်တိုင်းကျ မင်္ဂလာပွဲ မလုပ်မဖြစ်လုပ်ရမယ် ဆိုတော့ သူနဲ့ ကျွန်မ နဂိုတည်းက စဉ်းစားထားတဲ့ အလှူလေးတွေအတွက်ပါ ဘတ်ဂျတ်ကတွက်ရတော့တာပေါ့...။ မြန်မာနိုင်ငံပြန်ရင် ခရီးကလဲ မထွက်ပဲမနေနိုင်တာနဲ့... ကြိုတင်စီစဉ်ထားပါရက်နဲ့ ကတိုက်ကရိုက်ဖြစ်ခဲ့ရတယ်...။ လုပ်ချင်တာတွေက များများ ရတဲ့အချိန်က နည်းနည်းဖြစ်နေတာကြောင့်ပေါ့..။

မင်္ဂလာပွဲကတော့ ထားပါတော့...။ ဘုန်းကြီးကျောင်းမှာ ဆွမ်းကျွေးပြီး မိဘဆွေမျိုးတွေ တွေ့ဆုံ စားသောက်ကြတာလေးပါပဲ..။ ဟိုမင်းသားမင်းသမီးလိုတော့ကြီး မဟုတ်ပါဘူး...။ ပြောရဦးမယ် ဖြစ်ချင်တော့ ကျွန်မ မင်္ဂလာပွဲလုပ်တဲ့ရက်က သူတို့ရဲ့ ခြောက်ပွဲလား ခုနစ်ပွဲလားမသိတဲ့ ပွဲတွေထဲက တစ်ရက်နဲ့ သွားတိုက်နေပါသေးတယ်..။ တိုက်တော့ ဘာဖြစ်တုန်းဆိုတော့.... ဘာမှမဖြစ်ပါဘူး...။ ကိုယ့် အန်တီပါစီနေ့ မေ့သွားရင် သူတို့ကိုသွားမေးလို့ရတာပေါ့.. အဲလိုတော့ကြံထားတယ်...။ :D

နောက် မင်္ဂလာပွဲဆိုတော့ သိတဲ့အတိုင်း ဟိုစစ ဒီစစလက်ဖွဲ့ကြတာတွေရှိတာပေါ့..။ အဲဒါတွေကျ ဒီလဲ မသယ်လာနိုင်... ။ နောက် ကျွန်မကြားဖူးတာရှိတယ်.. တချို့တွေက လက်ဖွဲ့တွေကို ဆိုင်ကိုပြန်သွင်းကြတယ်တဲ့..။ ကျွန်မလဲ ကိုယ်တိုင်ဆောင်မှပဲ အသစ်အဆန်းတွေကြားရတော့တယ်..။ အဲလိုကြီး သွားပြန်ရောင်းဖို့ကြတော့လဲ.. လက်ဖွဲ့တဲ့လူတွေကို ကျွန်မက မှန်းအားနာမိတယ်..။ အဲလိုနဲ့ နောက်ဆုံးကျတော့ ကျွန်မနဲ့သူ နဂိုစီစဉ်ထားတဲ့ နေရာလေးတွေမှာ လှူမဲ့ ငွေသားပမာဏအပြင် ရလာတဲ့ လက်ဖွဲ့လေးတွေပါ ရောလှူပစ်လိုက်တယ်..။ ကျန်တာ သူတို့ဘာသာ အဆင်သင့်သလို စီမံပါလေ့စေ.. ကျွန်မစိတ်က လှူလိုက်တဲ့နေရာတင် အဲ့ပစ္စည်းတွေနဲ့ ပြတ်ပြီ...။ ကဲ ဒီတော့ ကျွန်မလဲ အားနာစရာမလိုတော့ဘူးပေါ့ ဟုတ်ဘူးလား...။ ပြီးတော့ လက်ဖွဲ့တဲ့လူလဲ ကုသိုလ်ရတာပေါ့..။

ကျွန်မတို့လှူဖြစ်တာက.. ပထမ ကျွန်မသူငယ်ချင်းတစ်ယောက် ဦးဆောင်ပြီး ဖွဲ့ထားတဲ့ အဖွဲ့လေးက လုပ်တဲ့ အလှူလေးမှာ..။ သူငယ်ချင်းတို့အဖွဲ့က သန်လျင်ဘက်က သီလရှင်တွေဦးစီးတဲ့ စာသင်ကျောင်းတခုမှာ သီလရှင်ဆရာလေးတွေနဲ့ ကလေးတွေကို တစ်နပ်စာ ဆွမ်း ထမင်းကျွေးပြီး ကလေးတွေလိုတဲ့ စာရေးကိရိယာလေးတွေ လှူတယ်..။ နောက် အဲဒီကျောင်းလေးမှာ ကျောင်းဆောင်သစ် ဆောက်လုပ်ဖို့ အလှူငွေလဲ ထည့်ခဲ့တယ်..။ ကျွန်မကအဲဒီနေ့က သူတို့အဖွဲ့နဲ့ မလိုက်သွားဖြစ်လိုက်ဘူး..။ မင်္ဂလာပွဲမတိုင်ခင်ဆိုတော့ အလုပ်တွေက ဘာမှန်းမသိပဲရှုပ်နေတာနဲ့..။ နောက်သူတို့ဓာတ်ပုံတွေပြမှ မလိုက်မိတာ နောင်တရမိတယ်..။

မင်္ဂလာပွဲပြီးနောက်တစ်နေ့ကျတော့.. ပစ္စည်းတွေနဲ့ ကျွန်မတို့.. ရွာသာကြီးက စိတ်ရောဂါကုဆေးရုံကို ရောက်ခဲ့ကြတယ်...။ စီးပွားရေးတက္ကသိုလ်အလွန်မှာကတည်းက လမ်းက ဆိုးသွားလိုက်တာ.. ချိုင့်တခုတခုက ကားဘီးတစ်ဝက်သာသာလောက်တောင်နက်မလားပဲ... ပြီးတော့ ခဲလုံးကြီးတွေကလဲ နည်းတာမှမဟုတ်ပဲ..။ လမ်းပြင်ဖို့ထင်ပါရဲ့.. လမ်းဘေးနားမှာ ပုံထားတဲ့ ကျောက်ပုံတွေကတော့ အပေါ်မှာ အပင်တွေဘာတွေ ပေါက်လို့.. အဲ့အပင်တွေတောင် တော်တော်ကြီးနေပြီ...။ အော်.. ဒီထက်ကြီးလာတော့လဲ အရိပ်ရတာပေါ့လို့တော့ တွေးမိပါတယ်.. နေကလဲ ပူသေးတာကိုး...။ ကျွန်မတို့ ပစ္စည်းတွေရယ် ငွေသားတချို့ရယ် လှူပြီးတော့ သူနာပြုဆရာမကြီးတစ်ယောက်က ကျွန်မတို့ကို ဆေးရုံတွင်းကို လိုက်ပြတယ်..။ ဆေးရုံရဲ့ အဓိကနှစ်ထပ်အဆောက်အဦးနောက်ကို ရောက်တာနဲ့ တထပ်ဆောင်ပုလေးတွေ ဟိုတလုံးဒီတလုံး ကွင်းပြင်ကြီးထဲ ဖြန့်ထားတယ်...။ အားလုံးကို အမိုးပါတဲ့ ကွန်ကရစ်လမ်းတွေနဲ့ ဆက်ထားတယ်..။ အဲဒီလမ်းလေး တဖက်တချက်တွေမှာက ချုံတွေနဲ့ အပင်ပုလေးတွေ... အရင်က လယ်ကွင်းဟောင်းတွေဖြစ်ခဲ့ဟန်တူပါတယ်..။ တစ်ဆောင်နဲ့တစ်ဆောင်ကလဲ တော်တော်လှမ်းတယ်..။ လမ်းလျှောက်ရင်းစကားပြောရင်းသိရတာက.. အဲဒီသူနာပြုဆရာမကြီးက ဒီမှာလုပ်လာတာ အနှစ်၂၀လောက်ရှိပြီတဲ့... သူမရဲ့ ပထမဆုံးပိုစတင်ကျကတည်းက လုပ်လာတာ ခုထိဆိုပဲ...။ ကျွန်မတော်တော်လေးစားမိသွားတယ်..။ တခြားဆေးရုံတွေမှာတော့ မပြောတတ်ဘူး..။ ဒီလိုဆေးရုံမှာအလုပ်လုပ်ဖို့ဆိုရင်တော့ တော်တော်စိတ်ရှည်သည်းခံရမယ်လို့ ထင်မိတယ်..။

ကျွန်မတို့ကို လိုက်ပြတာက အမျိုးသမီးဆောင်ကို..။ နည်းနည်းရောဂါသက်သာတဲ့ လူနာတွေထားတဲ့အဆောင် လို့ပြောတယ်။ အဆောက်အဦးက စတုဂံကျကျအကွက်ချဆောက်ထားတဲ့ တထပ်ဆောင်လေး..။ ဝင်ပေါက်ကတခုတည်းရှိတယ်... ။ အလယ်မှာက မြေကွက်လပ်ကြီး..။ အပင်တချို့စိုက်ထားတယ်.. ။ နည်းနည်းနေကောင်းတဲ့လူနာတွေက အဲဒီအပင်တချို့စိုက်ပျိုးရေးမှာပါဝင်လုပ်အားပေးကြတယ်တဲ့..။ သူတို့ရောဂါသက်သာစေဖို့ ကိုယ်လက်လှုပ်ရှားဆောင်ရွက်မှုတစ်ခုလို့ ရှင်းပြတယ်..။ နောက် စဥ့်အိုးကြီး သုံးလုံးလောက်လဲ ချထားတယ်..။ တချို့တွေက မျက်နှာသစ်သွားတိုက်နေကြတယ်.. တချို့တွေကတော့ အဝတ်လျှော်နေကြတယ်..။ ကျွန်မတို့ကို မြင်တော့ တချို့တွေက ပြုံးပြကြတယ်..။

အဆောင်ရဲ့ပတ်ပတ်လည်မှာတော့ သံဇကာကွက်ကြီးတွေနဲ့ ကာထားတယ်.. ။ နောက် ကုတင်ဆယ်လုံးလောက် ပါတဲ့ အခန်းရှည်တွေ ... စတုဂံပုံ ပတ်လမ်းဘေးတစ်လျှောက် တန်းစီထားတယ်..။ တချို့အခန်းတွေကျတော့လဲ သံဘာဂျာတံခါးတွေ ဖွင့်ထားတယ်.. ။ တချို့အခန်းတွေ ကျတော့လဲ သံတံခါးတွေကို ပိတ်ထားတယ်...။ ရောဂါမသက်သာသေးလို့လို့ဆိုပါတယ်..။ အဲဒီပိတ်ထားတဲ့ တခန်းမှာ အမျိုးသမီးလေးယောက်လောက်က တံခါးပေါက်နားမှာ ရပ်နေကြတယ်..။ ကျွန်မတို့ကိုမြင်တော့... တစ်ယောက်က “ဧည့်သည်တွေပဲ.. ဒီနေ့ဘာကျွေးမှာလဲ ”လို့ လှမ်းမေးတယ်...။ ကျွန်မတို့လဲ ကြောင်အမ်းသွားတယ်..။ နောက်တစ်ယောက်က “ကြာဇံဟင်းခါးကျွေးနော်” လို့ လှမ်းအော်တယ်..။ သနားစရာကောင်းလိုက်တာ..။ ဘာပြန်ပြောလို့ ပြောရမှန်းကို မသိခဲ့ဘူး...။

နောက် တခန်းကျတော့ တံခါးဖွင့်ထားတယ်.. အဲဒီအခန်းကလူတွေကျတော့ ရောဂါသက်သာနေပြီ ဒါပေမဲ့ သူတို့အိမ်တွေက လာမခေါ်တော့ပဲ ဆေးရုံမှာပဲ ပစ်ထားလိုက်ကြတယ်တဲ့...။ စိတ်မကောင်းလိုက်တာ..။ သူတို့ကြည့်ရတာတော့ အေးဆေးပဲ.. တချို့လဲ စာဖတ်နေတယ်..။ အဖွားတစ်ယောက်ကတော့ သနပ်ခါးအဖွေးသားနဲ့ ကုတင်ပေါ်မှာထိုင်ပြီး ပြတင်းပေါက်အပြင်ဘက်ကို ငေးနေတယ်...။ သားတွေသမီးတွေကို လွမ်းရှာတယ်ထင်တယ်..။

တပတ်ပတ်ပြီးလို့ ပြန်ထွက်မယ့်အချိန်ကျတော့.. ဆရာမကြီးက အဆောင်တာဝန်ကျ သူနာပြုဆရာမလေးနဲ့ မိတ်ဆက်ပေးနေတုန်း... “အမေ့” ဆိုတဲ့ အော်သံနဲ့ ကျွန်မမောင်လေး... လှစ်ကနဲနေအောင် ပြေးထွက်သွားတယ်..။ နောက်မှ ဘာဖြစ်တာလဲဆိုတော့... ထွက်ခါနီး လူနာအမျိုးသမီးတစ်ယောက်က သူ့ခါးကို လှမ်းကိုင်လိုက်လို့ပါတဲ့..။ အဲဒါနဲ့ လန့်ပြီးထွက်ပြေးတာတဲ့..။ ကျွန်မတို့မှာ သူ့ရုပ်ကိုကြည့်ပြီးရယ်လိုက်ရတာ..။ ဆရာမကြီးကတော့ ရှင်းပြတယ်..။ ဆေးရုံရောက်လာတဲ့ တချို့လူနာတွေထဲမှာ ဆန့်ကျင်ဘက်လိင်နဲ့ ပတ်သက်ပြီး ပိုစိတ်ဝင်စားတဲ့လူတွေရှိတယ်တဲ့...။ တခါတလေ အမျိုးသားတွေရဲ့ တင်ပါးကိုလိုက်ကိုင်တဲ့ကိစ္စမျိုးတွေလဲ ရှိတတ်သတဲ့..။ အခုကတော့ attention လိုချင်လို့ လာတို့တာနေမှာပါလို့ပြောတယ်..။ မောင်လေးကတော့ ကြက်သီးထသွားသလို တွန့်ပြတယ်..။ သူကနဂိုကတည်းက ကြောက်တတ်တဲ့သူဆိုတော့ ကျွန်မတို့မှာ သူ့ကြည့်ပြီးရယ်နေရတယ်..။

အဲဒီကအပြန်ကျတော့.. ကျွန်မတို့တွေ မင်္ဂလာဒုံက ကူးစက်ဆေးရုံကို သွားကြတယ်..။ လူနာတွေ တအားများပြီး ရှုပ်နေတာကြောင့် ဆရာမတွေလဲ လက်မလည်ဘူးဖြစ်နေတယ်..။ သူနာပြုဆရာမကြီးတစ်ယောက်ကတော့ ကျွန်မတို့(အလှူရှင်) ကိုဘယ်မှလိုက်မပြနိုင်လို့ဆိုပြီး အားနာနေတယ်..။ သူ့မှာလဲ လူနာတွေကတဖက် ဖုန်းကလဲပြေးကိုင်ရသေးတယ်..။ ဆေးရုံလေးနဲ့ လူနာအရေအတွက်က မမျှဘူးဖြစ်နေတယ်..။ ဝန်ထမ်းလဲ လောက်ပုံမရဘူး..။ ဆရာမကြီးပြောတာတော့.. မင်္ဂလာဒုံကဒီကူးစက်ဆေးရုံကိုက လူသိပ်မသိကြတော့ အလှူရှင်တွေ လာလှူတာလဲ နည်းတယ်တဲ့...။ လာတဲ့လူနာက များပြီး ပေးစရာနေရာက နည်းနေတော့ တချို့လူနာတွေကို လူသွားစင်္ကြံမှာ ကုတင်ခင်းပြီး ထားထားရတယ်တဲ့..။ လူသွားစင်္ကြံမှာ ကုတင်နှစ်လုံးလောက်လဲ မြင်ခဲ့ရတယ်..။ တော်သေးတာပေါ့ ကုတင်လေးရှိသေးလို့လို့ တွေးမိတယ်..။ မဟုတ်ဆို သံမံတလင်းပေါ်မှာ...။ နောက် တချို့အခန်းတွေထဲကနေ လှမ်းကြည့်နေကြတဲ့ မျက်လုံးတွေ.. ဘာအရောင်အရိပ်တွေလဲ ကျွန်မမခွဲခြားတတ်ဘူး..။ သေချာတာကတော့ အင်အားမဲ့နေကြတယ်..။ ဆရာမကြီးလဲ မအားတာနဲ့ အားနာပြီး ကျွန်မသိချင်တာလေးတွေ မမေးခဲ့ရဘူး... ဥပမာ.. ဘယ်လိုကူးစက်ရောဂါနဲ့ လာတဲ့လူ အများဆုံးလဲ ဆိုတာမျိုးပေါ့...။ အေအိုင်ဒီအက်စ်လို့ဖြေခဲ့လိုက်မှာကိုလဲ ဘာရယ်မဟုတ် တွေးကြောက်မိတယ်...။ ကာကွယ်ခြင်းက ကုသခြင်းထက် ပိုထိရောက်တယ်တဲ့..။ ဆေးရုံတွေမှာ တွေ့ရတတ်တယ်..။ကာကွယ်ဖို့ အသိမပြောနဲ့ ရောဂါရလာရင် ကုသဖို့ ဆေးရုံရောက်လာတဲ့သူကရော ဘယ်နှရာခိုင်နှုန်းရှိမှာလဲ...။

အဲဒီနေ့က တွေးစရာတွေ အများကြီးနဲ့ အိမ်ပြန်ခဲ့ရတယ်...။

နောက် ပြောရဦးမယ်... ဖြစ်ပုံ..။ ကျွန်မနဲ့အတူနေတဲ့ သူငယ်ချင်းစုံတွဲကလဲ ရန်ကုန်မှာမင်္ဂလာပွဲပြန်လုပ်တယ်.. ။ ကျွန်မတို့ထက် ၂ပတ်ကျော်လောက်နောက်ကျတာကြောင့် ရန်ကုန်မှာ အသွားအပြန်လွဲပြီး မတွေ့ဖြစ်လိုက်ဘူး...။ သူတို့ဒီကို ပြန်ရောက်လာတော့... နင်ဘယ်လိုလဲ ငါဘယ်လိုလဲ.. ဘယ်တွေသွားလို့ ဘာတွေစား ဘာညာစပ်စုကြရင်း.. သူငယ်ချင်းမက မေးတယ်... ပြုံးစိစိနဲ့..“ ဟဲ့ နင်စစ်ဆေးရုံမှာ သွားလှူခဲ့သေးတယ်ဆို.. အန်တီပြောတယ်”တဲ့..။ “ဟေ!” ကျွန်မ မျက်လုံးပြူးသွားတယ်..။ “ငါက ဘာကိစ္စ စစ်ဆေးရုံသွားလှူရမှာလဲ..” ဆိုတော့...“သိဘူးလေ အန်တီပြောတာ” ဆိုပြီး ရယ်နေလေရဲ့...။ ကျွန်မလဲ ခေါင်းစားသွားတယ် မေမေက ဘာတွေမှားပြောလိုက်သလဲပေါ့...။ နောက်မှ သဘောပေါက်တယ်.. မေမေက ကျွန်မတို့ စိတ်ဆေးရုံ သွားလှူဖြစ်တယ်ဆိုတဲ့အကြောင်းပြောလိုက်တာနေမှာလို့...။ အဲဒါကို သူငယ်ချင်းမက အကြားမှားလေတယ်.. စစ်ဆေးရုံတဲ့....။ :D



ပျော်ရွှင်ပါစေ
ခင်တဲ့
မလိခ

Sunday, May 15, 2011

မလိခရဲ့သင်္ကြန်ကျပြီ....


အိမ်နားက ပိတောက်တွေ....


သင်္ကြန်ကျပြီ.....

ပြက္ခဒိန်က သင်္ကြန်ထက် တလလောက်နောက်ကျပြီးမှ လာအော်နေလို့... မလိခတော့ သွားရှာပြီလို့.. ခေါင်းတခါခါ စုတ်တသပ်သပ် ဖြစ်သွားကြမလားမသိဘူး...။ မလိခ မသွားသေးပါဘူး အရင်နေရာ အရင်နိုင်ငံမှာပဲ အရင်အလုပ်တွေလုပ်နေတုန်းပါပဲ... :P။

သူများတွေရေတွေဘယ်လောက် လောင်းလောင်း သူငယ်ချင်းတွေနဲ့ကျွန်မ ဘယ်လောက်ရေပက်ခံထွက်ထွက် သင်္ကြန်က ပြီးပြည့်စုံတယ်လို့ခံစားရတယ်မရှိဘူး....။ ပွဲတော်တစ်ခုကို အပေါင်းအသင်း မိဘဆွေမျိုးတွေနဲ့ ပျော်ရွှင်စွာကုန်ဆုံးစေခဲ့တယ်ဆိုတဲ့ ခံစားမှုမျိုးပဲရှိတယ်...။ ဒါပေမဲ့... မနက်အိပ်ရာထလိုက်တာနဲ့.. ဘယ်ကလာမှန်းမသိတဲ့ ပိတောက်ရနံ့ကို ရလိုက်တာနဲ့ အဲဒီနေ့ဟာ ကျွန်မရဲ့သင်္ကြန်ပါပဲ...။ (ကြောင်လိုက်တာနော်.... :D သူများတွေပြောရမှာ အားနာမှာစိုးလို့ ကိုယ်စားပြောပေးတာ..)။ အဲဒီနေ့မျိုးဆို.. အိမ်ရှေ့မှာ “ ပိတောက်ပန်းတွေရမယ်” ဆိုပြီး လက်တွန်းလှည်းကြီးနဲ့.. ဦးလေးကြီးတစ်ယောက် ပိတောက်တွေလာရောင်းတတ်တယ်..။ လာဝယ်တဲ့လူတွေအများကြီးကြားက.. အလုအယက်ဝယ်.. ပြီးတော့ ပန်းခက်လေးတွေကိုရေသေချာဆေး.. လင်ပန်းလေးထဲထည့်ပြီး ဘုရားပန်းကပ်လိုက်ရရင်... စိတ်ကိုချမ်းသာလို့...။ အဲလိုနေ့မျိုးဆို မေမေ့ဆံထုံးမှာလေ ပိတောက်ပန်းလေး တခက်နှစ်ခက်လောက်ရောက်နေတတ်တယ်...။ တအိမ်လုံးကို ပိတောက်ပန်းနံ့တွေကြိုင်လို့..။

ခုကျွန်မရောက်နေတဲ့ နိုင်ငံမှာတော့ လက်တွန်းလှည်းနဲ့ ပိတောက်ပန်းလာရောင်းတဲ့ ဦးလေးကြီးမရှိပါဘူး... ဒါပေမဲ့ ပိတောက်ပန်းတွေရှိတဲ့အတွက်တော့ ကျေနပ်မိတယ်..။ ဒီနိုင်ငံက ပိတောက်ကလဲ ပွင့်နိုင်ခဲလွန်းတယ်.. မိုးဒီလောက်ရွာတာတောင်မှ...။ ကျွန်မမှာ ဒီအိမ်စပြောင်းလာကတည်းက အိမ်နောက်က ပိတောက်ပင်ကြီးတွေကို ကြည့်ပြီး စောင့်နေလိုက်ရတာ.. ဧပြီ တလလုံး....။

ဒီနေ့မနက်အိပ်ရာထတော့ (ဒါနဲ့ စကားမစပ် weekends တွေမှာ ကျွန်မရဲ့ မနက်က နေ့လည် ၁၁နာရီ ၁၂နာလောက်မှ စတတ်တယ်...:D).. ပုံမှန်နေ့တွေလို လုပ်စရာရှိတာလုပ် သူငယ်ချင်းနဲ့ လေပေါနေတုန်း.. ပြတင်းပေါက်မှန်တွေမှာ အရိပ်လာထင်တဲ့ အဝါရောင်ပန်းခက်တချို့ ယိမ်းထိုးနေသလိုလို...။ သေချာအောင်သွားကြည့်လိုက်တော့... အားပါးပါး.. တကယ်ပဲ ပိတောက်တွေ...။ မိုးလေးကလဲ တပြိုက်နှစ်ပြိုက်လောက်ရွာလိုက်သေးတော့.. လေဝှေ့တာနဲ့ ပိတောက်ပန်းရနံ့တွေက ကျွန်မဆီအလုံးအရင်း...။ ကျွန်မနေတာက ခုနစ်ထပ်မှာဆိုတော့ ပန်းတွေပွင့်နေတဲ့ အပင်ထိပ်ဖျားနဲ့ သိပ်မဝေးလှဘူး...။ ခုဆို ပြတင်းပေါက်က လှမ်းကြည့်တိုင်း... ပိတောက်ပန်းတွေကို မြင်နေရတာကိုက ဒီတနင်္ဂနွေရဲ့ စိတ်ချမ်းသာစရာတခုပါပဲ...။

မလိခရဲ့ သင်္ကြန်ကျပါပြီ...။တစ်ရက်ထဲပါ...။ နှစ်တနှစ်ရဲ့ ပိတောက်တွေဝေနေအောင် စပွင့်တဲ့နေ့ပါ။

အားလုံးပဲပျော်ရွှင်ချမ်းမြေ့ကြပါစေ... :D